Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaq kúresinen «Nur-Sultan Barysy» anyqtaldy

2021 jyldyń 2 mamyr 2021 21:48

NUR-SULTAN. QazAqparat – Elordada qazaq kúresinen «Qazaqstan Barysy» respýblıkalyq týrnırine irikteýi maqsatynda «Nur-Sultan Barysy» jarysy ótti, dep habarlaıdy QazAqparat.

«Qazaq kúresiniń damý tarıhy tereńde jatyr. Keıingi on jylda qazaq kúresi Úkimet tarapynan jasalyp jatqan qoldaýdyń arqasynda qanatyn keńge jaıyp, halyqaralyq arenaǵa shyǵyp úlgerdi. Elbasy Nursultan Nazarbaevtyń: «Tól sportymyz – qazaq kúresin olımpııalyq oıyndar deńgeıine deıin kóterýge kúsh salýymyz kerek», – degen tapsyrmasy aıasynda qarqyndy jumys júrgizilip, búginde ulttyq kúresimiz álemniń 50-60 memleketinde tamyr jaıyp, damyp otyr» — dedi qala ákiminiń orynbasary Baqtııar Maken jarys aldynda.










Shilde aıynda elorda tórinde ótetin dúbirli doda — «Qazaqstan Barysy» týrınırine joldamany baby kelisken 26 balýan sarapqa saldy. Tartysqa toly beldesýler nátıjesinde Oljas Shynkeev top jaryp, altyn belbeýdi ıelendi. Ekinshi oryn Aıbat Seıtenge buıyrsa, úzdik úshtikti Nurbek Dosmuhanbetov qorytyndylady.

Jarystyń altyn jáne kúmis júldesine ıe bolǵan qos balýan «Qazaqstan Barysynda» astananyń namysyn qorǵaıtyn bolady.











Basty sózder: Qazaq kúresi, Sport, Nur-Sultan,
Joǵary qaraı