Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq kásipkeri Qytaıdyń memlekettik syılyǵyn aldy - Sheteldegi qazaqtildi BAQ-qa sholý

2021 jyldyń 28 aqpan 2021 10:55

NUR-SULTAN. QazAqparat - «QazAqparat» HAA ádettegideı shetelde qazaq tilinde taraıtyn aqparat kózderine aptalyq sholýyn usynady.

Qazaq balasy túsirgen ózbekshe tarıhı serıal jaryqqa shyqty - «ÓzA» aqparattyq agenttigi

Ózbekstan Mádenıet mınıstrlginiń tapsyrysy boıynsha túrkııalyq «Bo‘zdag‘ film» stýdııasy taspalaǵan «Mendırman Jalolıddın» tarıhı serııaly jaryqqa shyqty, dep habarlaıdy «ÓzA».

Atalǵan BAQ-tyń keltirgen deregine súıensek, alǵashqy serııasy 14 aqpanda kórermenge jol tartqan týyndy Horezmdi bılegen Jalolıddın Mangýberdiniń ómiri, qolbasshylyq etken dáýiri men tarıhı shaıqastary jaıly baıandaıdy. Dese de, telehıkaıanyń basty uǵymy Horezmshah pen Shyńǵyshannyń shaıqasyna negizdelgen.




«13 bólimnen turatyn tarıhı kartınada basty rólderdi, Horezmshahty túrik akteri Emre Kıvıldjım somdaǵan bolsa, uly Shyńǵyshan obrazyn ózbektiń belgili akteri Djavahır Zakırov beınelegen. Al, telehıkaıany qazaqstandyq rejısser Nurǵısa Álmurat túsirgen. Tarıhı týyndyny ár aptanyń jeksenbi kúni keshki saǵat 20:30-da «Mıllı TV» arnasynan kórýge bolady», - dep jazady «ÓzA» aqparat agenttigi.




Jahandyq ınnovatsııa ındeksi boıynsha Qazaqstan 77-shi orynda – Fars aqparat agenttigi

Jahandyq ınnovatsııalyq ındekstiń jyl saıynǵy (2020 j.) reıtınginde Qazaqstan 77-shi oryn ıelendi. Bul aqparatty osy aptada «Fars» aqparat agenttigi de jazǵan bolatyn.

Jahandyq ınnovatsııalyq ındeks (GII) boıynsha jańa esepte Qazaqstan 131 eldiń arasynda 77-orynda tur. Bul Reseı, Armenııa jáne Belarýs elderinen tómen.

Bul reıtıng ınnovatsııalardy júrgizý úshin qolda bar resýrstar men jaǵdaılardy paıdalaný, ınnovatsııalardy júzege asyrýdyń qol jetkizilgen praktıkalyq nátıjelerin baǵalaýǵa negizdelgen.

«Qazaqstan atalǵan kórsetkishterdiń 1-toby boıynsha reıtıngide 131-den 60-oryndy jáne 2-top boıynsha 94-oryndy ıelendi. Innovatsııalardyń damý deńgeıin sıpattaıtyn barlyq 80 kórsetkish 7 iri sanatqa biriktiriledi... Qazaqstandaǵy eń tómen kórsetkish «shyǵarmashylyq nátıjeler» sanaty boıynsha boldy», - dep jazady ırandyq BAQ.


Memlekettik syılyq alǵan qytaılyq qazaq kásipkeri – «Jenmın jıbao» (People Daily)

25 aqpanda Pekındegi memlekettik Halyq quryltaıy saraıynda kedeılikpen kúresýdi ulttyq deńgeıde qorytyndylaý men marapattaý konferentsııasy ótti.

Konferentsııada el ekonomıkasynyń damýyna eleýli úles qosyp júrgen azamattar men ujymdar marapattaldy, dep habarlady People Daily aqparat portaly.




«Ulttyq kıim kıgen áıel trıbýnaǵa kóterilgende erekshe kózge tústi. Ol Shyńjańnyń Morı Qazaq avtonomııalyq okrýginen shyqqan Hayinaer Ethnic Handicraft Manufacturing Co., Ltd kompanııasynyń bas menedjeri Seker Qusanqyzy bolatyn», - dep jazady «Jenmın jıbao».

Osy áserli kezdesýden keıin atalǵan aqparat kóziniń tilshisi birden Seker Qusanqyzyna telefon arqyly habarlasqan.

«Búgin shynymen de qyzyqty kún. Tańǵy astan keıin eldegi eń mártebeli Halyq quryltaıy saraıyna keldim. Shyńjańda sahnaǵa ókil retinde memlekettik maqtaý qaǵazyn alýǵa kelgen 4 adam bar. Men solardyń biri edim. Ol kezde men ózimizdiń qazaqtyń ulttyq kıimin kıip júrdim», - deıdi S. Qusanqyzy tilshige bergen suhbatynda.

Morılyq qandasymyz burynyraq mal baqqanyn, keıinnen ultymyzdyń dástúrli qolóneriniń biri – kesteshilikti qolǵa alǵanyn aıtady.

«Men buryn mal baqqan edim. Keıinnen ulttyq naqyshtaǵy keste tigý fabrıkasyn quryp, aýyldastarymdy kásiptendirýge jol ashtym. Sol eńbekterimniń arqasynda búgin marapatty alý úshin Halyq quryltaıy saraıyna keldim. Bul syılyq ózim úshin ómirimdegi eń bıik mártebeniń biri. Men Shyńjańǵa oralǵannan keıin ulttyq keste ónerkásibin damytyp, keńeıtip, barlyq etnıkalyq toptardyń baýyrlaryn birge damyp, birge baı bolýǵa kómektesýim kerek», - deıdi Seker Qusanqyzy.

«Uly dalanyń shyraqtary» atty konferentsııa uıymdastyryldy - TRT

Qazaqstandaǵy Túrkııa respýblıkasynyń Elshiligi janyndaǵy bilim berý keńesshiligi «Bilim berý dıplomatııasy» jobasyn jalǵastyryp keledi.

Osy aıda joba aıasynda «Uly dalanyń shyraqtary» konferentsııasy onlaın formatta ótti. Konferentsııaǵa dıplomatııalyq ókilder, ǵalymdar men túrli ýnıversıtetterdiń stýdentteri qatysty. Bul týraly osy aptada Túrkııa radıotelevızııa portaly habarlady.




Túrkııalyq BAQ-tyń dereginshe, semınar qonaǵy Qoja Ahmet ıAsaýı atyndaǵy Qazaq-Túrik ýnıversıteti rektorynyń orynbasary Djengız Tomar Islam jáne túrik áleminiń oıshyly ıAsaýıdiń tulǵasy, pikirleri jáne álem kózqarasy jóninde málimet berdi. Ol ıAsaýı murasynyń ıÝnýs Emre murasy sekildi ǵalamdyq deńgeıde ekenin aıtty.

Ol qatysýshylardyń suraqtaryna jaýap berip, ıAsaýıdiń jan-jaqty tulǵa ekenin, murasy egjeı-tegjeıli zerttelýi qajettigin atap kórsetken.

«Konferentsııada baýyrlas eki eldiń mamandary ataqty oıshyl, aqynnyń óleńderiniń aýdarylýy jáne keń tanystyrylýy baǵytynda kózqaras almasty», - dep jazady TRT.

Qazaqstan Elshisi Mońǵolııanyń Premer-Mınıstrimen kezdesti - Kaznews

2021 jyly 25 aqpanda Qazaqstan respýblıkasynyń Mońǵolııadaǵy Tótenshe jáne Ókiletti Elshisi Jalǵas Ádilbaev Mońǵolııa Premer-Mınıstri Lývsannamsraı Oıýýn-Erdenemen kezdesýi ótti, dep habarlaıdy Mońǵolııanyń Kaznews aqparat portaly.

J.Ádilbaev L.Oıýýn-Erdeneni Premer-Mınıstr qyzmetine taǵaıyndalýymen jáne dástúrli Shaǵan merekesimen (aı kúntizbesi boıynsha Jańa jyl) quttyqtady.

Kaznews aqparat portalynyń keltirgen deregine súıensek, kezdesý basynda qazaqstandyq dıplomat 2021 jylǵy 27 aqpanda Ýlanbatyr – Almaty jáne 5 naýryzda Ýlanbatyr – Nur-Sultan baǵyttary boıynsha evakýatsııalyq arnaıy reısterdi uıymdastyrǵany úshin rızashylyǵyn bildirgen.





Sondaı-aq, Elshi Mońǵolııa Úkimetiniń basshysyna 2021 jyldyń 1 aqpanynan bastap Qazaqstan Respýblıkasynda koronavırýs indetine qarsy ekpe jumystary bastalǵanyn habarlady. Sonymen qatar, mońǵol tarapyna vaktsınatsııa ártúrli toptardyń epıdemıologııalyq mańyzdylyǵyn eskere otyryp, kezeń-kezeńimen júzege asyrylatyny jetkizildi.

Óz kezeginde L.Oıýýn-Erdene Qazaqstan men Mońǵolııa arasyndaǵy yntymaqtastyq dıplomatııalyq qatynastar ornaǵannan beri turaqty damýda ekenin jáne osy yntymaqtastyq deńgeıin arttyrý úshin barlyq salalarda belsendi ózara is-qımyl jasaý qajettigin atap ótken. Mońǵolııanyń Premer-Mınıstri mádenı-gýmanıtarlyq yntymaqtastyqty keńeıtý múmkindigin qarastyrýdy usyndy...

«Budan basqa, taraptar aýyl sharýashylyǵy, kólik, týrızm, saýda-ekonomıkalyq yntymaqtastyq, sondaı-aq halyqaralyq sahnadaǵy is-qımyldardy úılestirý salalarynda ekijaqty qarym-qatynastardyń kún tártibindegi bir qatar ózekti máselelerdi konstrýktıvti túrde talqylady», - dep túıindeıdi mońǵolııalyq BAQ.


Avtor Beısen Sultan
Basty sózder: BAQ, Qoǵam,
Joǵary qaraı