Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq estradasynyń juldyzdary Esil ústindegi parohodta óner kórsetýde

2021 jyldyń 7 shilde 2021 02:31

NUR-SULTAN. QazAqparat – Nur-Sultan qalasynda 5-7 shildede Elorda kúnine jáne Qazaqstan Táýelsizdiginiń 30 jyldyǵyna oraı «Esil tolqyny» atty merekelik jyljymaly kontsert ótip jatyr, dep habarlaıdy QazAqparat tilshisi.

Uıymdastyrýshylardyń málimetinshe, is-shara maqsaty – Nur-Sultan qalasynyń turǵyndary men qonaqtaryn Elorda kúnimen quttyqtaý, merekelik kóńil-kúı syılaý. «Esil tolqyny» kontsertine qatysýshylar Esil boıymen serýen quratyn parohodta óner kórsetýde.





«Karantındik shekteýlerge baılanysty jáne azamattar pandemııa jaǵdaıynda bir jerde jınalmas úshin is-shara Esil ózeni boıymen parohodta ótýde. Ártister, shyǵarmashylyq ujymdar «Astana» atalatyn parohodta óner kórsetýde. Kontsert baǵdarlamasy 3 saǵatqa eseptelgen. Іs-sharanyń barlyq qatysýshysy koronavırýsqa qarsy vaktsına alǵan. Densaýlyq jaǵdaıyna baılanysty egilmegender PTR-testiden ótti», - dedi kontsert uıymdastyrýshylary.








Qala ákimdiginiń qoldaýymen uıymdastyrylǵan kontsert baǵdarlamasyna estradalyq jáne qazaq halqynyń ánderi engen. Sharaǵa Qanat jáne Sveta Aıtbaevtar, Maıra Ilıasova, Araılym Rahım, Parasat Otan, Altynaı Jorabaeva, Ásem Omarova, Dos, Dıana Maeva, Marjan Arapbaeva jáne basqa da oryndaýshylar qatysty.

Aıta keteıik, 7 shildede qorytyndy gala-kontsert ótedi.






















Joǵary qaraı