Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq-arab birlesken energetıkalyq holdıngi qurylady

2021 jyldyń 27 qazan 2021 16:08

NUR-SULTAN. QazAqparat – Qazaq-arab birlesken energetıkalyq holdıngi qurylady. Holdıng qurylymy jaıynda «Samuryq-Qazyna» AQ Basqarma múshesi, ınvestıtsııalar, jekeshelendirý jáne halyqaralyq yntymaqtastyq jónindegi Basqarýshy dırektor Ernar Janádil aıtyp berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda BAQ ókilderi Arab ámirlikterimen birge qurylatyn Energetıkalyq holdıngtiń qurylymy qandaı bolatyndyǵyn suraǵan edi.

«Energetıkalyq holdıngti «Astana» halyqaralyq qarjy ortalyǵynyń negizinde qurýdy kózdep otyrmyz. Bul qurylymnyń aıasynda eki sýbholdıng paıda bolady. Onyń biri qazir qoldanystaǵy elektr-energetıka nysandaryn jańartý jobalaryna ınvestıtsııa quıady. Al ekinshisi jańartylatyn energııa kózderi salasyndaǵy jańa jobalardy júzege asyrýǵa qatysty is-sharalarmen aınalysady. Energetıkalyq holdıngti arnaýly komıtet basqarady. Onyń quramyna qazaqstandyq jáne arab kompanııaııalary men qorlarynyń ókilderi kiredi ári basqarýmen aınalysady», - dedi Ernar Janádil.


Joǵary qaraı