Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaza bolǵan áskerı qyzmetshi Ǵabdolla Smaıylqanovtyń otbasyna nagrada tabystaldy

2022 jyldyń 14 qańtar 2022 17:05

NUR-SULTAN. QazAqparat - Qazaqstan Respýblıkasy Prezıdentiniń Jarlyǵymen Taldyqorǵandaǵy avıabazanyń kelisim shart boıynsha áskerı qyzmetshisi efreıtor Ǵabdolla Smaıylqanovqa ІІІ dárejeli «Aıbyn» ordenimen marapattaldy. Orden marqumnyń ákesi Ǵalym Azanbekovke tabystaldy, dep habarlaıdy QazAqparat Qorǵanys mınıstriliginiń baspasóz qyzmetine silteme asap..

«Bul bárimiz úshin orny tolmas qaıǵy. Kúsh-jigeri tasyp turǵan jastardyń aramyzdan ketýi óte aýyr. Ulyńyz sońyna deıin áskerı paryzy men antyna adal boldy. Ol bizdiń jadymyzda máńgi saqtalady. Qarýly Kúshterdiń barlyq jeke quramy men Qorǵanys mınıstrliginiń basshylyǵy sizge qaıǵyryp kóńil aıtady», – dedi áýe shabýylyna qarsy qorǵanys áskerleriniń qolbasshysy general-maıor Qaırat Sadyqov.

Qorǵanys mınıstrligi avıatsııa bazasynyń mamany efreıtor Ǵabdolla Smaıylqanov Taldyqorǵan qalasynda terrorıstterdiń qolynan qaza tapty. Ol qyzmettik paryzyn oryndaý barysynda aýyr jaraqat alǵan bolatyn.

Ǵabdolla Ǵalymuly Smaıylqanov 1996 jyly 6 sáýirde Almaty oblysy, Qarabulaq kentinde dúnıege kelgen. Ǵabdolla nebári 25 jasta ǵana edi.

Marqumnyń artynda jubaıy, uly men qyzy qaldy. Qorǵanys mınıstrligi otbasyn turǵyn úımen qamtamasyz etip, qajetti materıaldyq kómek kórsetetin bolady. Áskerı bólim Ǵabdolla Smaıylqanovtyń otbasyn óz qamqorlyǵyna aldy.











Joǵary qaraı