Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qaıyrymdy ister marafony» jalpyhalyqtyq sıpat alǵan úlgili is-shara boldy – Aıda Balaeva

2021 jyldyń 3 jeltoqsan 2021 15:10

PAVLODAR. QazAqparat – «Qaıyrymdy ister marafony» jalpyhalyqtyq sıpat alǵan úlgili is-shara boldy. Bul týraly «Jomart júrek» syılyǵy laýreattaryn marapattaý saltanatty sharasynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Jyl basynda Táýelsizdiktiń 30-jyldyǵyn merekeleý maýsymyn ashyp bergen jalpyulttyq «Qaıyrymdy ister marafony» búgin óz máresine jetti. Ózderińiz bilesizder, bul bastama – el Prezıdentiniń usynysymen jalpyhalyqtyq sıpat alǵan úlken de úlgili is-shara boldy. Sondyqtan da, búgin Memleket basshysy osy bastamaǵa atsalysqan barsha azamattarǵa óziniń ystyq lebizin joldady», - dep atap ótti mınıstr.

Aıda Balaeva el Prezıdenti osy «Qaıyrymdy ister marafony» aıasynda muqtajdarǵa kómek qolyn sozyp, aınalasyn jaqsylyqqa bólegen jomart jandardy erekshe atap ótkendigin aıtty.

«Ol da bolsa, halqymyzdyń ejelden «qaıyrly is jasaýdy» izgiliktiń belgisine balap, ishki bereke-birlikti bıik qoıǵan danalyǵy. Joba bastalǵannan bıznes qaýymdastyq, azamattyq sektor, jekelegen belsendi azamattar tarapynan qoldaý taýyp, barlyq óńirde jaqsylyq jasaýǵa shaqyrǵan is-sharalar uıymdastyryldy. Munyń ózi - qoǵamnyń áleýmettik-mańyzdy máselelerin sheshýde memleket pen jeke sektordyń ózara áriptestikte, birigip áreket ete alatynynyń dáleli»,- dedi ol.


Joǵary qaraı