Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaıtys bolǵan quqyq qorǵaý organdary qyzmetkerleriniń otbasylaryna qoldaý kórsetilýde - ІІM

2022 jyldyń 18 qańtar 2022 10:29

NUR-SULTAN. QazAqparat – Tártipsizdik kezinde qaıtys bolǵan ishki ister organdary qyzmetkerleriniń otbasylaryna jan-jaqty qoldaý kórsetilýde. Bul týraly Úkimet otyrysynda Іshki ister mınıstri Erlan Turǵymbaev málim etti, dep habarlaıdy QazAqparat tilshisi.

Mınıstr tártipsizdik kezinde qaıtys bolǵan áskerı qyzmetkerlerdiń jáne ishki ister organdary qyzmetkerleriniń otbasylaryna birjolǵy ótemaqy tóleý máselesine toqtaldy.

«Jaqynda qańtarda terrorıster qolynan polıtsııa men Ulttyq ulannyń 8 qyzmetkeri qaıtys boldy, 2911-i jaraqat aldy. Erlikpen qaza bolǵandar 2-shi jáne 3-shi dárejeli «Aıbyn» ordenimen marapattaldy. Olardyń otbasyna jan-jaqty qoldaý kórsetilýde. Odan bólek, zań boıynsha qyzmet mindetin atqarý barysynda qaıtys bolǵan qyzmetkerdiń otbasyna 5 jyldyq qyzmettik qarjysy jáne jerleý úshin 3 aılyq ótemaqy tólenedi», - dedi Erlan Turǵymbaev.

Budan buryn habarlanǵandaı, búgin Úkimet otyrysynda Ulttyq ekonomıka mınıstri Álibek Qýantyrov «Qazaqstan Respýblıkasyndaǵy áleýmettik-ekonomıkalyq jaǵdaıdy turaqtandyrý jónindegi jedel is-qımyldar josparyn bekitý týraly» QR Úkimeti qaýlysynyń jobasyn tanystyryldy. Talqylaýdan keıin qujat jobasy bekitildi.

Jospar qoǵamdyq tártip pen qaýipsizdikti qalpyna keltirý, áleýmettik jáne basqa da ınfraqurylymdar, áleýmettik máseleler, baǵanyń negizsiz ósýine jol bermeý, halyq pen kásipkerlikti qoldaý ári uıymdastyrý-qarjy máseleleri boıynsha 51 is-sharadan turady.


Joǵary qaraı