Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaıta vaktsınalaýdyń alǵashqy legine kimder qatysady

2021 jyldyń 13 qazan 2021 21:52

NUR-SULTAN. QazAqparat – Qazaqstanda qaıta vaktsınalaý qarashanyń úshinshi dekadasynda bastalatyn boldy. Qazaqstan aýmaǵynda koronavırýs ınfektsııasynyń taralýyna jol bermeý jónindegi Vedomstvoaralyq komıssııa osyndaı sheshim qabyldady, dep habarlaıdy QazAqparat tilshisi.

Bul týraly vedomstvoaralyq komıssııanyń Telegram-kanaly jazdy.

«Komıssııa otyrysynda birqatar mańyzdy sheshimder qabyldandy», - delingen resmı habarlamada. Sonyń biri – halyqty qaıta vaktsınatsııalaý máselesi.

«Aǵymdaǵy jylǵy qarashanyń úshinshi onkúndiginen kelesi sanattaǵy adamdar úshin qaıta vaktsınalaýdy bastaý josparlanyp otyr: táýekel toptary (medıtsına qyzmetkerleri, pedagogtar, medıtsınalyq-áleýmettik mekemeler men jabyq mekemelerdiń personaly men kontıngenti, kúsh qurylymdarynyń qyzmetkerleri); 60 jastan asqan adamdar; ózdiginen zertteýlerden ótken jáne KVI-ǵa qarsy antıdenelerge teris test nátıjesi bar adamdar», - dep jazylǵan komıssııanyń sheshiminde.

Vedomstvoaralyq komıssııa Ashyq jobasyna qatysatyn kásipkerlik nysandarynyń jumys ýaqytyn ulǵaıtty. Naqtyraq aıtsaq, «jasyl aımaqta» - saǵat 03:00-ge deıin, «Ashyq» jobasynyń kóshbasshylary úshin - saǵat 05:00-ge deıin; «sary aımaqta» - saǵat 01:00-ge deıin, «Ashyq» jobasynyń kóshbasshylary úshin - saǵat 03:00-ge deıin jumys rejımi belgilendi.

Resmı málimet boıynsha, Qazaqstan 15 elmen vaktsınatsııalaý pasportyn taný týraly kelisimge qol jetkizgen. Olar: Túrkııa, Majarstan, Grýzııa, Qyrǵyz Respýblıkasy, Moldova Respýblıkasy, Mońǵolııa, Taıland, Belarýs Respýblıkasy, Armenııa, Iran, San-Marıno, Argentına, Estonııa, Úndistan men Fılıppın.


Avtor Esimjan Naqtybaı
Basty sózder: Qoǵam, Vaktsına, Koronavırýs,
Joǵary qaraı