Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaıta vaktsınalaý, bıznes nysandarynyń jumysy jáne ujymdyq ımmýnıtetti qalyptastyrý — VAK otyrysy ótti

2021 jyldyń 13 qazan 2021 20:29

NUR-SULTAN. QazAqparat – QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń otyrysy ótti, dep habarlaıdy QR Úkimetiniń baspasóz qyzmeti.

Densaýlyq saqtaý mınıstri Alekseı Tsoı eldegi sanıtarııalyq-epıdemıologııalyq jaǵdaı týraly baıandama jasady.

Sońǵy eki aptada COVID-19-ben aýyrý deńgeıi 30%-ǵa, ólim-jitim 40%-ǵa tómendedi.

VAK otyrysynda birqatar mańyzdy sheshim qabyldandy:

COVID-19-ǵa qarsy ujymdyq ımmýnıtetti qalyptastyrý maqsatynda vaktsınalaýǵa jatatyn kontıngent 9,9 mln-nan 11,4 mln adamǵa deıin ulǵaıtyldy, bul DDSU usynymdaryna sáıkes ujymdyq ımmýnıtetke 60% deńgeıinde qol jetkizýge múmkindik beredi;

halyqty qaıta vaktsınalaýdy a. j. qarashanyń úshinshi onkúndiginen kelesi sanattaǵy adamdar úshin bastaý josparlanyp otyr: táýekel toptary (medıtsına qyzmetkerleri, pedagogter, medıtsınalyq-áleýmettik mekemeler men jabyq mekemelerdiń personaly men kontıngenti, kúsh qurylymdarynyń qyzmetkerleri); 60 jastan asqan adamdar;

ózdiginen zertteýlerden ótken jáne KVI-ǵa qarsy antıdenelerge teris test nátıjesi bar adamdar; «ASHYQ» jobasyna qatysatyn kásipkerlik nysandarynyń jumys ýaqyty ulǵaıdy, «jasyl aımaqta» – saǵat 03:00-ge deıin, «ASHYQ» jobasynyń kóshbasshylary úshin – saǵat 05:00-ge deıin; «sary aımaqta» – saǵat 01:00-ge deıin, «ASHYQ» jobasynyń kóshbasshylary úshin – saǵat 03:00-ge deıin;

Úndistan jáne Fılıppınmen ózara vaktsınalaý tólqujatyn taný iske asyryldy, nátıjesinde Qazaqstan Respýblıkasy 15 elmen vaktsınalaý pasportyn taný týraly kelisimge qol jetkizdi (Túrkııa, Vengrııa, Grýzııa, Qyrǵyzstan, Moldova Respýblıkasy, Mońǵolııa, Taıland, Belarýs Respýblıkasy, Armenııa, Iran, San-Marıno, Argentına, Estonııa, Úndistan men Fılıppın);

karantındik shekteýler kezeńinde QR Memlekettik shekarasyn kesip ótý tártibine QR aýmaǵyna erkin kirý (VAK sheshiminsiz) bóliginde ózgerister engizildi: týystyq faktisin rastaı otyryp, QR azamattarynyń týystary bolyp tabylatyn sheteldikterge;

QR azamattarynyń otbasy músheleri bolyp tabylatyn sheteldikterge aýyr naýqastanǵandarǵa kútim jasaý úshin, olardyń ilesip júretin jubaılary men kámeletke tolmaǵan balalaryna, sondaı-aq jerleý rásimine kelgenderge.




Vedomstvoaralyq komıssııanyń otyrysyn qorytyndylaı kele, Eraly Toǵjanov birqatar naqty tapsyrma berip, VAK qatysýshylarynyń aldynda taıaý ýaqyttaǵy basym mindetterdi belgiledi.


Joǵary qaraı