Aýa raıy
Astana -11 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qaısar Tabynov koronavırýsqa qarsy ekinshi ret vaktsına aldy

2020 jyldyń 21 qarasha 2020 12:16

NUR-SULTAN. QazAqparat - Qazaq ulttyq agrarlyq ýnıversıteti janyndaǵy Halyqaralyq vaktsınologııa ortalyǵynyń dırektory Qaısar Tabynov koronavırýsqa qarsy ekinshi ret vaktsına aldy, dep habarlaıdy QazAqparat tilshisi.

«Búgin zerthana janýarlaryn kezekti ımmýndaý úshin COVID-19-ǵa qarsy NARUVAX-C19/Nano vaktsınasy úlgisin ázirledik. Ózim úshin múldem tosynnan atalǵan vaktsınanyń qalǵanyn ózime salý sheshimin qabyldadym. Mundaı jaqsy dúnıe (20 mkg Spike/RBD tıin) kádege jaramsyz qalmaýy kerek qoı. Mende IgA (sekretsııalyq) antıdenesin qalyptastyra ala ma ekendigin bilý qyzyqty bolyp tur. Ol jalpyǵa tanylǵan IgG, IgM antıdenelerine qaraǵanda tynys alý organdarynyń shyryshty qabyrshaǵyndaǵy COVID-19 vırýsyn joıýǵa jáne sol arqyly ınfektsııany jibermeýge qabiletti», - dep jazdy Qaısar Tabynov Facebook paraqshasynda.

Esterińizge sala ketsek, Buǵan deıin ol avstralııalyq Vaxine Pty ltd shyǵarǵan COVAX-19 ekpesin qabyldaǵanyn jazǵan edik.

NARUVAX-C19 – Qazaq ulttyq agrarlyq ýnıversıteti men AQSh-tyń Ogaıo shtaty ýnıversıteti birlesip ázirlegen vaktsına. Qazirgi ýaqytta ol klınıkaǵa deıingi synaqtan ótkizilip jatyr.


Avtor Marlan Jıembaı
Basty sózder: Koronavırýs, Medıtsına,
Joǵary qaraı