Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kavkaz musylmandary basqarmasynyń tóraǵasy elorda stýdentterine dáris oqydy

2021 jyldyń 7 qazan 2021 14:25

NUR-SULTAN. QazAqparat – Elordaǵa arnaıy saparmen kelgen Kavkaz musylmandary basqarmasynyń tóraǵasy Sheıh-ýl-ıslam Allahshúkir Pashazade stýdentterge dáris oqydy, dep habarlaıdy QazAqparat tilshisi.

«Qurmetti oqytýshylar men stýdentter, sizdermen júzdeskenime qýanyshtymyn. Qazaqstannyń tuńǵysh Prezıdenti, Elbasy Nursultan Nazarbaevpen áriden tanyspyn. Biz Máskeýdegi Kremlde ótken sezge birge qatysqan edik. Qazaqstan men Ázerbaıjannan kelgen delegattar qatar otyrdyq. Sol kezde maǵan Nursultan Nazarbaevpen tanysý baqyty buıyrdy. Elbasy sol kezdiń ózinde óz ustanymy jáne kóshbasshylyq qasıetimen erekshelengen bolatyn. Jalpy, ázerbaıjan men qazaq eline ortaq dúnıe kóp. Tarıhymyz, mádenıetimiz, tipti tilimiz de uqsas bolyp keledi», - dedi Sheıh-ýl-ıslam Allahshúkir Pashazade.




Onyń aıtýynsha, qazaq-ázerbaıjan qarym-qatynasy baýyrlastyq pen yntymaqtastyqqa negizdelgen.

«Kezinde Ázerbaıjannyń burynǵy Prezıdenti Geıdar Álıev Nursultan Nazarbaevty túriktildes ulttardyń aqsaqaly deıtin. Bunymen biz de kelisemiz. Eki eldiń bir kezdegi memleket basshylary bastap bergen dostyqqa negizdelgen qarym-qatynas búginde jalǵasyn taýyp otyr. Jańa osy ýnıversıtettiń mýzeıin aralaý barysynda, ózimniń túrki halqynyń ókili ekenime erekshe qýandym. Bizdiń tarıhymyz ben mádenıetimiz baı jáne ony maqtan tutýymyz kerek», - deıdi ol.

Sondaı-aq, qurmetti qonaq pen stýdentter arasyndaǵy áńgime-dúken suraq-jaýapqa ulasty. Jastar ózderin qyzyqtyrǵan suraqtarǵa jaýap aldy.

Óz kezeginde atalǵan joǵary oqý ornynyń rektory Erlan Sydyqov Sheıh-ýl-ıslam Allahshúkir Pashazadege alǵysyn jetkizdi.




JOO basshynyń málimdeýinshe, búginde EUÝ-de 25 myńnan astam stýdent bilim alyp jatyr. Onyń ishinde 1 myńnan astamy - shetel stýdentteri.




Sol sııaqty rektor ýnıversıtette «Dintaý» mamandyǵynyń baryn eske saldy.

Osy kúnge deıin atalǵan mamandyqty 170 bakalavr jáne 70 magıstr támamdap shyqqan.






















Avtor Álı Ibraev
Basty sózder: Jastar, JOO-lar, Bilim, Dinder sezderi, Din,
Joǵary qaraı