Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaýipti 23 ýchaske bar: ShQO turǵyndary sel týraly eskertildi

2021 jyldyń 13 mamyr 2021 02:32

ÓSKEMEN. QazAqparat – Shyǵys Qazaqstan oblysynda 5 mamyrda sel júrý qaýpi joǵary kezeń bastalady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi 23 ýchaskede sel júrý qaýpi bar. Olar Katonqaraǵaı, Zaısan, Úrjar, Tarbaǵataı, Altaı aýdandary men Rıdder qalasynda ornalasqan.

«Atalǵan aýdandardaǵy taýlarda 13 eldi mekenge qaýip tóndiretin 146 muzdaq kól anyqtalyp otyr. Mamandar qaýipsizdik maqsatynda jyl saıyn aerovızýaldy baqylaý júrgizedi. Sondaı-aq oblysta syrǵyma qaýpi bar 9 ýchaske tirkeldi», - dep habarlady vedomstvo ókilderi.

Sel júrý qaýpi joǵary kezeńge daıyndyq maqsatynda departament ókilderi «Qazseldenqorǵaý» MM mamandarymen birlesip birqatar sharalardy qolǵa aldy. Atap aıtqanda, sel jáne syrǵyma qaýpi bar ýchaskelerde halyqtyń qaýipsizdigin qamtamasyz etý maqsatynda jumys josparyn ázirledi. Ózen arnalary men qaýipti ýchaskelerde josparly jerústi jáne aerovızýaldy baqylaý kestesi jasaldy.

«Sonymen qatar muzdaq kólderde batımetrııalyq jumystar josparlanǵan. Sel qaýpi bar ýchaskelerde 46, syrǵyma qaýpi joǵary aýmaqtarǵa 18 eskertý jáne tyıym salý belgileri ornatyldy. Tótenshe jaǵdaı kezindegi is-qımyl josparyna sáıkes oblys aýmaǵynda kúshter men quraldar toby quryldy. Onyń quramyna 547 adam, 77 tehnıka, 122 jyljymaly motopompa jáne 30 júzý quraly kirip otyr. Qazirgi ýaqytta aımaq boıynsha jaǵdaı turaqty», - delingen aqparatta.


Joǵary qaraı