Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaýipsizdik keńesiniń tóraǵasy laýazymyn Prezıdentke Elbasynyń ózi berdi – Aıdos Úkibaı

2022 jyldyń 9 qańtar 2022 10:54

NUR-SULTAN. QazAqparat – Elbasynyń keńesshisi ári baspasóz hatshysy Aıdos Úkibaı buqaralalyq aqparat quraldaryna Elbasy týraly taraǵan túrli aqparattar boıynsha túsinikteme berdi, dep habarlaıdy QazAqparat tilshisi.

«Keıingi ýaqytta BAQ pen áleýmettik jelilerde Qazaqstannyń Tuńǵysh Prezıdentine qatysty kóptegen jalǵan qaýesetter men arandatýshylyq jazbalar taralýda. Qazirgi jaǵdaıda mundaı áreketti saıası jaǵdaıdy turaqsyzdandyrý jáne memlekettiń konstıtýtsııalyq negizderin buzý áreketi retinde qarastyramyz. Buryn málimdegenimdeı, Elbasy osy kúnderde Nur-Sultan qalasynda bolyp, Memleket basshysyna qoldaý kórsetýde. Alaıda, jaǵdaı óte qıyn boldy, sondyqtan Elbasynyń ózi Qaýipsizdik keńesiniń tóraǵasy laýazymyn Prezıdentke berý týraly sheshim qabyldady. Óıtkeni ol elde bolyp jatqan tártipsizdikter men terrorlyq ister Memleket basshylyǵynan jedel, qatań jáne ymyrasyz jaýap talap etetinin jaqsy bildi», -delingen túsiniktemede.

Onyń sózine qaraǵanda, Elbasy men Prezıdent halyqty, ult bolashaǵyn qorǵaý isinde bir shepte áreket etken.

«Elbasy men Memleket basshysy óz halqyn, elin jáne ult bolashaǵyn qorǵaý isinde árdaıym bir shepte áreket etti. Osy qıyn-qystaý kúnderde olar memlekettik bıliktiń birtutas ekenin taǵy da kórsetti.

Osynaý qıyn-qystaý kezeńde Nursultan Nazarbaev barlyq azamattardy halqymyzdyń birligi men tutastyǵyn kórsetýge jáne Prezıdentimiz – Qasym-Jomart Toqaevqa terrorısterge qarsy kúreste jáne Qazaqstandaǵy ómirdi qalypqa keltirýde qoldaý kórsetýge shaqyrady.

Elbasy terrorıstik shabýyldar kesirinen adamdardyń qaza bolýyna baılanysty qaıǵyrady jáne qaza tapqandardyń otbasylaryna shyn júrekten kóńil aıtady», - delingen Aıdos Úkibaıdyń málimdemesinde.


Joǵary qaraı