Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaevtyń tóraǵalyǵymen Joǵary eýrazııalyq ekonomıkalyq keńestiń kezekti otyrysy ótti

2021 jyldyń 21 mamyr 2021 18:53

NUR-SULTAN. QazAqparat – Qazaqstan Respýblıkasynyń Prezıdenti Qasym-Jomart Toqaevtyń tóraǵalyǵymen Joǵary eýrazııalyq ekonomıkalyq keńestiń kezekti otyrysy vıdeo konferentsııa rejıminde ótti, dep habarlaıdy Aqordanyń resmı saıty.

Jıynda Joǵary eýrazııalyq ekonomıkalyq keńestiń Qurmetti tóraǵasy, Qazaqstannyń Tuńǵysh Prezıdenti – Elbasy Nursultan Nazarbaev, Reseı Federatsııasynyń Prezıdenti Vladımır Pýtın, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sadyr Japarov, Armenııa Respýblıkasy Premer-Mınıstriniń mindetin atqarýshy Nıkol Pashınıan, Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch, sondaı-aq, Joǵary eýrazııalyq ekonomıkalyq keńes janyndaǵy baqylaýshy memleketterdiń basshylary Kýba Respýblıkasynyń Prezıdenti Mıgel Dıas-Kanel Bermýdes jáne Ózbekstan Respýblıkasynyń Prezıdenti Shavkat Mırzıeev sóz sóıledi.

Memleket basshysy óz sózinde pandemııa men oǵan qarsy kúres sharalary jahandaný úderisi men beıbit tynys-tirshiliktiń qalpyn ózgertkenin atap ótti. Mundaı jaǵdaıda ekonomıkalyq daǵdarystyń saldaryn eńserý, ekonomıkany qaıta qalpyna keltirý jáne damytý jolyna túsý sııaqty óte ózekti máselelerdiń tıimdi sheshimin tabý qajet.

– Biz osy Odaq tarıhynda alǵashqy strategııalyq qujatty júzege asyrýdy bastadyq. Atalǵan strategııa orta merzimdi perspektıvadaǵy ıntegratsııanyń jáne ekonomıkanyń barlyq salasyndaǵy naqty yqpaldastyqtyń, sondaı-aq, halyqaralyq yntymaqtastyqtyń basymdyqtaryn aıqyndap berdi. Sondyqtan Odaqty damytý strategııasynyń sapaly ári jedel iske asyrylýyn qamtamasyz etý mańyzdy. Bul, árıne, ózimizge baılanysty, – dedi Qazaqstan Prezıdenti.




Qasym-Jomart Toqaev daǵdarystan keıingi qaıta qalpyna keltirý kezeńinde ózara saýda-sattyqqa qatysty kedergilerdiń qordalanǵan problemasyn júıeli sheshý qajet ekenin aıtty. Lokdaýndar kezinde mundaı kedergiler edáýir kóbeıgen.

– Atalǵan kedergiler saýda-ekonomıkalyq qatynastardyń damýyn aıtarlyqtaı tejep, ósim áleýeti men damýyn shekteıdi. Qazaqstan Odaqtyń basqa músheleri sııaqty, naryqtyń barlyq qatysýshylary úshin teńdeı jáne kemsitpeıtin jaǵdaı qalyptastyrýdy qoldaıtynyna senimdimin. Komıssııa kedergilermen turaqty túrde kúresip keledi. Alaıda, olardy tıimdi dep aıta almaımyz. Bul ulttyq deńgeıde qabyldanǵan sheshimderdiń saldarymen kúres, – dedi Qazaqstan Prezıdenti.

Memleket basshysy óz sózinde BUU-nyń málimetine júgindi. Prezıdenttiń aıtýynsha, 2020 jyldyń qorytyndysyna sáıkes azyq-túlik taýarlarynyń álemdik baǵasy sońǵy úsh jylda eń joǵary deńgeıge jetken. 2030 jylǵa qaraı azyq-túlikke degen suranys 35 paıyzdan asady dep boljanýda.

– Odaqqa múshe árbir eldiń azyq-túlik taýarlaryn óndirý kólemin arttyrýǵa áleýeti jetedi. Sonymen qatar ishki naryqty qorǵaý jónindegi shekteý sharalary agroónerkásip kesheniniń damýyn tejep, azyq-túlik tapshylyǵyna ákep soqtyrýy múmkin. Árıne, keıbir jekelegen jaǵdaılarda olardyń ýaqytsha qoldanylýy ózin aqtady. Degenmen mundaı shekteýlerdiń bizdiń Odaqqa múshe elderge qatysy bolmaýy tıis dep sanaımyn, – dedi Qasym-Jomart Toqaev.




Prezıdent agrarlyq ǵylymı mekemeler arasyndaǵy yqpaldastyqty kúsheıtýdi, aýyl sharýashylyǵy ónimderin úshinshi elderdiń naryǵyna eksporttaý isin ulǵaıtý sharalaryn jandandyrýdy usyndy. Memleket basshysynyń aıtýynsha, Qazaqstan Odaqqa múshe eldermen birge shekara mańy ınfraqurylymyn damytýǵa daıyn.

Bul rette Qasym-Jomart Toqaev Ózbekstanmen birlesip júzege asyrylyp jatqan «Ortalyq Azııa» halyqaralyq saýda-ekonomıkalyq ortalyǵy jobasyn mysalǵa keltirdi. Sondaı-aq Odaq aıasynda saýda-logıstıkalyq jáne kóterme-taratý ortalyqtarynyń júıesin qurýdyń mańyzy artyp otyr. Mundaı júıe memleketterdiń azyq-túlik qaýipsizdigin qamtamasyz etýge, agroónerkásip sektorynyń áleýetin qoldaýǵa, shyǵyndardy azaıtýǵa, sáıkesinshe, negizgi azyq-túlikterdiń baǵasyn tómendetýge múmkindik beredi.

– Eýrazııa elderi ózderiniń tranzıttik áleýetin tolyq júzege asyrýy kerek. Men kólik kúre joldaryndaǵy transshekaralyq ýchaskelerdi jańǵyrtý jónindegi jumystardy jandandyrýdy, atap aıtqanda, Eýrazııalyq ekonomıkalyq odaqtyń barlyq aýmaǵynda «Batys Eýropa – Batys qytaı» avtomagıstraliniń qurylysyn aıaqtaýdy taǵy da usynamyn, – dedi Memleket basshysy.




Qasym-Jomart Toqaev Eýrazııalyq ekonomıkalyq odaq elderimizdiń daǵdarystan keıingi ekonomıkasyn qaıta qalpyna keltirýdiń qýatty ári pármendi faktory bolatynyna senim bildirdi. Qazaqstan Odaqty ekonomıkalyq ıntegratsııanyń tıimdi jáne bedeldi uıymyna aınaldyrý úshin barynsha kúsh salady.

Qazaqstan Prezıdenti jıyn sońynda qatysýshylarǵa mazmundy jáne konstrýktıvti baıandamalary úshin rızashylyǵyn bildirdi.











Joǵary qaraı