Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Japonııanyń jańa saılanǵan premer-mınıstrin Qazaqstanǵa shaqyrdy

2020 jyldyń 17 qyrkúıek 2020 17:52

NUR-SULTAN. QazAqparat - Qazaqstan Prezıdenti Qasym-Jomart Toqaev Japonııanyń Premer-mınıstri Esıhıda Sýgaǵa asa jaýapty laýazymǵa saılanýymen quttyqtap jedelhat joldady, dep habarlaıdy Aqorda.

Jedelhatta jańa Úkimet basshysynyń el damýyna jáne japon halqynyń berekesin baıandy etýge, Japonııanyń álemdik qaýymdastyqtaǵy bedelin odan ári arttyrýǵa baǵyttalǵan ıgi isteri men bastamalarynyń tabysty bolýyna tilektestik bildirgen.

«Qazaqstan men Japonııa arasyndaǵy dástúrli dostyq pen ózara qoldaýǵa negizdelgen mazmundy saıası dıalogymyzdy, ártúrli salalardaǵy jemisti yntymaqtastyǵymyzdy óristete túsý úshin Sizben kúsh-jiger jumyldyrýǵa daıyn ekenime sendiremin», – dep jazylǵan jedelhatta.

Memleket basshysy eki el arasyndaǵy qalyptasqan strategııalyq seriktestikti odan ári nyǵaıtý maqsatynda, Japonııanyń Premer-mınıstri Esıhıda Sýgany Qazaqstanǵa saparmen kelýge shaqyrǵan.

Qasym-Jomart Toqaev Esıhıda Sýgaǵa asa jaýapty qyzmette sáttilik, japon halqyna qut-bereke tilegen.


Joǵary qaraı