Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev jańa quramdaǵy Májilis depýtattaryna tabys tiledi

2021 jyldyń 15 qańtar 2021 10:14

NUR-SULTAN. QazAqparat - 7-shi shaqyrylǵan Parlamenttiń 1-shi sessııasyn ashqan QR Prezıdenti Qasym-Jomart Toqaev jańa quramdaǵy Májilis depýtattaryna tabys tiledi, dep habarlaıdy QazAqparat tilshisi.

«Qurmetti depýtattar! Barshańyzdy saılaýdyń aıaqtalýymen quttyqtaımyn jáne jańa quramdaǵy Májilis depýtattaryna tabys tileımin. Ótken shaqyrylymnyń depýtattaryna oıdaǵydaı qyzmet atqarǵany úshin rızashylyǵymdy bildiremin», - dedi Memleket basshysy.

QR Prezıdentiniń dereginshe, 5 jylǵa jýyq ýaqytta Parlament qabyrǵasynda 410 zań qabyldandy. Depýtattar ózderiniń zańǵa bastamashylyq etý quqyǵyn tolyq paıdalanyp, 60-qa jýyq zań jobasyn daıyndady.

«Bul osyǵan deıingi 5-shi shaqyrylym depýtattarynyń bastamalaryn qosa alǵannan da kóp. Jańa depýtattar aldyńǵy áriptesteriniń osy qarqynyn saqtaı otyryp, anaǵurlym qarqyndy jumys isteýi qajet. Sebebi bárimizdi zor mindetter men aýqymdy ister kútip otyr», - dedi Qasym-Jomart Toqaev.


Joǵary qaraı