Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Úndistan Prezıdenti Ram Nat Kovındke kóńil aıtty

2021 jyldyń 25 shilde 2021 10:17

NUR-SULTAN. QazAqparat - Memleket basshysy Qasym-Jomart Toqaev Úndistan Prezıdenti Ram Nat Kovındke kóńil aıtý jedelhatyn joldady, dep habarlaıdy QazAqparat Aqordanyń resmı saıtyna silteme jasap.

Qazaqstan Prezıdenti Maharashtra shtatynda bolǵan sý tasqyny men laı kóshkini saldarynan kóptegen adamnyń qaza tapqany jáne úıler men ǵımarattardyń qıraǵany týraly sýyt habardy tereń kúızelispen qabyldady.

– Qazaqstan halqynyń jáne jeke ózimniń atymnan qaza bolǵan adamdardyń otbasylaryna kóńil aıtamyn jáne zardap shekkenderdiń tezirek saýyǵyp ketýine tilektestik bildiremin. Іz-túzsiz joǵalǵan otandastaryńyz óz otbasylaryna aman-esen oralsyn. Osyndaı qıyn-qystaý shaqta biz Úndistan halqymen birgemiz, – delingen jedelhatta.

Osyǵan deıin alapat sý tasqyny saldarynan Úndistanda júzdegen adamnyń qaza tapqanyn jazǵan edik.
Joǵary qaraı