Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev UQShU-nyń Bas hatshysy Stanıslav Zasti qabyldady

2022 jyldyń 12 qańtar 2022 19:58

NUR-SULTAN. QazAqparat – Qazaqstan Prezıdent Qasym-Jomart Toqaev UQShU Bas hatshysy Stanıslav Zasti qabyldady, dep habarlaıdy QazAqparat Aqordaǵa silteme jasap.

Memleket basshysy Ujymdyq qaýipsizdik týraly sharty uıymynyń kezekten tys sammıtiniń qorytyndysyna kóńili tolatynyn aıtyp, UQShU boıynsha odaqtastaryna terrorıstik akti kezinde qoldaǵany jáne Qazaqstanǵa kórsetken kómegi úshin alǵys bildirdi.




Qazaqstan Prezıdenti UQShU Bas hatshysynyń jeke óziniń jáne Hatshylyqtyń barlyq qyzmetkeri men UQShU-nyń Birikken shtabynyń elimizdegi bitimgerlik mıssııasyn uıymdastyrý jónindegi kúsh-jigerine qosqan úlesin atap ótti.




– Atalǵan jaǵdaı Uıymnyń áskerı-saıası qurylym retindegi mańyzdy ekenin taǵy bir márte dáleldedi. Qazir Ujymdyq qaýipsizdik týraly sharty uıymy týraly halyqaralyq qoǵamdastyqta áńgime bolyp jatyr dep oılaımyn. Uıymnyń tıimdiligi qazirgi jaǵdaıda meılinshe aıqyn kórindi. Sondyqtan keleshekte UQShU ózin paıdaly qurylym retinde tanytady dep paıymdaımyn. Hatshylyq ózge halyqaralyq uıymdardyń basshylyǵymen aradaǵy yqpaldastyqty jolǵa qoıýy kerek dep oılaımyn. Bul óte paıdaly bolady. UQShU Bas hatshysynyń Bitimgerlik operatsııalar jónindegi arnaýly ókiliniń ınstıtýtyn qurý da óte durys bolady dep sanaımyn, – dedi Qasym-Jomart Toqaev.

UQShU Bas hatshysy Qazaqstanda UQShU bitimgerlik mıssııasynyń oryndalý barysy, onyń ishinde Qazaqstan Prezıdenti belgilegen merzim ishinde Uıymǵa múshe memleketter kontıngentterin elimizden shyǵarýǵa daıyn ekeni týraly aqparat berdi.




Stanıslav Zas ta Qazaqstan Prezıdenti usynǵan UQShU Bas hatshysynyń bitimgerlik máseleleri jónindegi arnaýly ókiliniń ınstıtýtyn qurý jónindegi bastamany júzege asyrýdyń ýaqtyly ári mańyzdy ekenin quptady.




Eske sala ketsek, búgin Almatyda jedel shtabtyń otyrysyn ótkizgen Memleket basshysy UQShU birlesken bitimgerlik kontıngentiniń bólimshelerin qaıtarý jumysy bastalatynyn aıtty.


Barlyq quqyqtar qorǵalǵan. inform.kz belsendi siltemeni paıdalanyńyz https://www.inform.kz/qz/erten-ukshu-bitimgerlerin-elden-shygaru-zhumysy-bastalady-kasym-zhomart-tokaev_a3884801


Joǵary qaraı