Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Túrkııa Prezıdenti Redjep Taııp Erdoǵanǵa kóńil aıtý jedelhatyn joldady

2021 jyldyń 5 naýryz 2021 12:38

NUR-SULTAN. QazAqparat - Memleket basshysy Qasym-Jomart Toqaev «Kýgar» áskerı tikushaǵynyń apatqa ushyrap, birneshe adamnyń qaza bolýyna baılanysty Túrkııa Prezıdenti Redjep Taııp Erdoǵanǵa Qazaqstan halqynyń jáne jeke óziniń atynan kóńil aıtý jedelhatyn joldady.

Bul týraly QazAqparat Aqordaǵa silteme jasap habarlaıdy.

«Túrkııanyń shyǵysyndaǵy Bıngel aımaǵynda apatqa ushyraǵan «Kýgar» áskerı tikushaǵynda qurban bolǵan jáne zardap shekkender týraly aqparatty tereń kúızelispen qabyl aldym. Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge, sondaı-aq, baýyrlas túrik halqyna qaıǵyra kóńil aıtamyn. Alla taǵaladan qaza bolǵandardyń jandary jánnatta bolýyn, jaralanǵandardyń tez arada saýyǵyp ketýin tileımin», – dep jazylǵan jedelhatta.

Osyǵan deıin Túrkııanyń shyǵysynda tikúshaq apatqa ushyraǵanyn habarlaǵan bolatynbyz.

Keıinirek ushaq apaty saldarynan 11 adamnyń qurban bolǵany habarlandy.



Basty sózder: Túrkııa, Qazaqstan Prezıdenti,
Joǵary qaraı