Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev saılaýdy ádil ótkizý jaıynda: Jiti qadaǵalaımyn

2020 jyldyń 25 qarasha 2020 13:04

NUR-SULTAN. QazAqparat - Táýelsizdigimizdiń 30 jyldyǵy Májilis jáne máslıhattar depýttarynyń saılaýymen bastalýynyń sımvoldyq máni zor. Bul týraly «Nur Otan» partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Táýelsizdigimizdiń 30 jyldyǵy Májilis jáne máslıhattar depýttarynyń saılaýymen bastalmaq. Munyń sımvoldyq máni zor. Bul doda barlyq mereıtoılyq is-sharalarǵa ıdeologııalyq jáne mazmundyq turǵydan tyń serpin beretindigi anyq. Aldaǵy saılaý qoǵamnyń birtutastyǵyn jáne bereke-birligimizdi bekemdeı túsedi dep senemin», - dedi Memleket basshysy.

QR Prezıdenti bul naýqan ashyq, ádil ári zańdy ótýi úshin barlyq jaǵdaıdyń jasalatyndyǵyn basa aıtty.

«Men Memleket basshysy retinde muny jiti qadaǵalaımyn. Osyǵan oraı Ortalyq saılaý komıssııasyna jáne Bas prokýratýraǵa naqty tapsyrma berdim. Barsha saılaýshylardy azamattyq belsendilik tanytyp, saılaýǵa qatysýǵa shaqyramyn. Elimizdiń ıgiligi jáne memleketimizdiń múddesi jolynda tabysqa birge jete bereıik. Otanymyz máńgi jasasyn! Halqymyz árqashanda aman bolsyn!», - dedi Qasym-Jomart Toqaev.


Joǵary qaraı