Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Saýd Arabııasy KK tóraǵasyn ІІ dárejeli «Barys» ordenimen marapattady

2021 jyldyń 19 qazan 2021 13:35

NUR-SULTAN. QazAqparat - Qasym-Jomart Toqaev Saýd Arabııasy Koroldigi konsýltatıvtik keńesiniń tóraǵasy Abdalla Ál ash-Sheıhti qabyldady, dep habarlaıdy QazAqparat Aqordanyń resmı saıtyna silteme jasap.

Qazaqstan Prezıdenti Saýd Arabııasyn ıslam álemindegi senimdi seriktes ári Qazaqstannyń Táýelsizdigin tanyǵan alǵashqy arab memleketteriniń biri ekenin atap ótti.




– Saýd basshylyǵymen árdaıym baılanystamyz. Tamyzda Taq murageri Muhammed ben Salman Ál Saýdmen telefon arqyly áńgimelesken kezde birqatar ýaǵdalastyqtarǵa qol jetkizildi. Al qyrkúıek aıynda Investıtsııa mınıstri Halıd ál-Falıhpen kezdestim. Bul baılanystar eki el arasyndaǵy yntymaqtastyqqa serpin beredi dep esepteımin, – dedi Memleket basshysy.

Kezdesýde ekijaqty saýda-ekonomıkalyq qarym-qatynastar talqylandy. Qasym-Jomart Toqaev saýd kompanııalarynyń álemdik naryqtaǵy múmkindikteri men tájirıbesin eskere otyryp, Qazaqstandaǵy jobalarǵa belsendi qatysýǵa shaqyrdy.




Saýd Arabııasy Koroldigi konsýltatıvtik keńesiniń tóraǵasy Abdalla Ál ash-Sheıh qabyldaǵany úshin Qazaqstan Prezıdentine alǵys aıtyp, elimizdegi saparynyń tabysty ótip jatqanyn aıtty.

– Men baýyrlas, dostas Qazaqstanǵa kelgenime qýanyshtymyn. Biz parlamenttik deńgeıde birqatar jemisti kezdesý ótkizdik. Mundaı júzdesýler elderimizdi jaqyndastyra túsedi. Memleketterimizdiń basshylary deńgeıinde qabyldanǵan sheshimderdi júzege asyrýda osyndaı saparlardyń máni zor dep esepteımin, – dedi Saýd Arabııasy Koroldigi konsýltatıvtik keńesiniń tóraǵasy.

Sonymen qatar eki el arasyndaǵy taýar aınalymyn arttyrý máseleleri talqylandy.




Kezdesý sońynda Qasym-Jomart Toqaev Abdalla Ál ash-Sheıhti ІІ dárejeli «Barys» ordenimen marapattady.


Joǵary qaraı