Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Reseıdiń Astrahan oblysynyń gýbernatoryn qabyldady

2021 jyldyń 26 shilde 2021 17:57

NUR-SULTAN. QazAqparat - Qazaqstan Prezıdenti Reseıdiń Astrahan oblysynyń gýbernatory Igor Babýshkındi qabyldady, dep habarlaıdy Aqorda.

Kezdesý barysynda Qasym-Jomart Toqaev Qazaqstan men Reseı Federatsııasy arasyndaǵy strategııalyq jáne odaqtastyq qatynastardyń qarqyndy damyp kele jatqanyn jáne eki el óńirleriniń yqpaldastyǵy keńeıe túskenin atap ótti. Osy rette Óńiraralyq yntymaqtastyq forýmy tıimdi dıalog alańyna aınalyp otyr.

Qazirgi ýaqytta Atyraý, Batys Qazaqstan, Mańǵystaý jáne Qazaqstannyń ózge de oblystary Astrahan oblysymen kóptegen baǵyt boıynsha ózara tıimdi kooperatsııany júzege asyrýda. Ekonomıkalyq belsendiliktiń jańǵyrýyna oraı shekara mańyndaǵy saýda qarqyny birtindep qaıta qalpyna kelip jatqany baıqalady.

Qazaqstan men Astrahan oblysynyń arasyn negizgi baılanystyrýshy retinde Reseı boıynsha eń kóp turatyn sol jerdegi qazaq dıasporasy mańyzdy ról atqaryp otyr.

Prezıdent Astrahan qazaqtarynyń tarıhı otanymen rýhanı baılanystaryn nyǵaıtýyna, ata-babalarynyń tili men mádenıetin saqtaýyna jan-jaqty qoldaý kórsetip jatqany úshin Igor Babýshkınge rızashylyǵyn bildirdi.

Memleket basshysy qazaq halqynyń Bókeı han, Qurmanǵazy, Dına Nurpeıisova jáne basqa da uly perzentteriniń esimin Astrahan jerinde ulyqtap kele jatqany úshin aımaq ákimshiligi men turǵyndaryna alǵys aıtty.

Joǵary qaraı