Qasym-Jomart Toqaev Ózbekstan Prezıdentimen telefon arqyly sóılesti

NUR-SULTAN. QazAqparat - Memleket basshysy Qasym-Jomart Toqaev Ózbekstan Prezıdenti Shavkat Mırzıeevpen telefon arqyly sóılesti. QazAqparat bul týraly Aqordaǵa silteme jasap habarlaıdy.

Áńgimelesý barysynda Memleketter basshylary Qazaqstan men Ózbekstannyń strategııalyq seriktestigin odan ári damytý máseleleri jóninde pikir almasty. Prezıdentter kelissózder protsesin eki el úkimetteriniń basshylyǵy deńgeıinde jandandyrýǵa ýaǵdalasty.

Qasym-Jomart Toqaev pen Shavkat Mırzıeev saıası, saýda-ekonomıkalyq, ınvestıtsııalyq, kólik-tranzıttik, mádenı-gýmanıtarlyq yntymaqtastyqtyń negizgi aspektilerin talqylady. Óńirdegi turaqtylyq pen qaýipsizdikti qamtamasyz etýge erekshe nazar aýdaryldy.