Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Mońǵolııa basshylyǵyna qazaqtarǵa degen qurmeti úshin rızashylyǵyn bildirdi

2021 jyldyń 13 qazan 2021 19:11

NUR-SULTAN. QazAqparat – QR Prezıdenti qasym Jomart Toqaev Mońǵolııa eliniń basshylyǵyna etnıkalyq qazaqtarǵa degen qurmeti úshin rızashylyǵyn bildirdi, dep habarlaıdy QazAqparat.

Bul týraly Memleket basshysy búgin Mońǵolııa Syrtqy qatynastar mınıstri Batmýnh Battsetsegpen júzdesýi barysynda aıtty.

«Osy sátti paıdalana otyryp, etnıkalyq qazaqtarǵa kórsetilip otyrǵan qurmeti pen qamqorlyǵy úshin Sizdiń eldiń basshylyǵyna jáne mońǵol halqyna rızashylyǵymdy bildiremin. Mońǵolııa qazaqtarynyń tilin, mádenıeti men dástúrin saqtaý máseleleri boıynsha tyǵyz yntymaqtastyǵymyz jalǵasa beredi dep úmittenemin. Bul – Sizdiń memleketińiz júrgizip otyrǵan ulttyq saıasattyń nátıjesi. Muny zor rızashylyqpen atap ótkim keledi», – dedi Qasym-Jomart Toqaev.

Aıta keteıik, kezdesý barysynda eki el arasyndaǵy qarym-qatynas, saýda, ekonomıka, logıstıka baǵyttary boıynsha ózara yqpaldastyqty damytý sııaqty ózge de keń aýqymdy máseleler taqylandy.



Joǵary qaraı