Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev memlekettik saparmen Ashhabadqa bardy

2021 jyldyń 24 qazan 2021 16:53

NUR-SULTAN. QazAqparat - Qazaqstan Prezıdenti Qasym-Jomart Toqaev Túrikmenstan Prezıdenti Gýrbangýly Berdimuhamedovtiń shaqyrýy boıynsha memlekettik saparmen Ashhabadqa keldi.

Bul týraly QR Prezıdentiniń baspasóz hatshysy Berik Ýálı óziniń Facebook-tegi paraqshasynda jazdy, dep habarlaıdy QazAqparat.

«Sapar barysynda eki el delegatsııasynyń shaǵyn jáne keńeıtilgen quramdaǵy kelissózderi ótedi. Taraptar qazaq-túrikmen strategııalyq seriktestiginiń jaǵdaıy men damý perspektıvalaryn, sondaı-aq kún tártibindegi óńirlik jáne halyqaralyq máselelerdi qarastyrady»,-dep jazdy Prezdenttiń baspasóz hatshysy.

Aıta keteıik, Qasym-Jomart Toqaev 12 qazanda AÓSShK Syrtqy ister mınıstrleri Keńesiniń 6-otyrysyna qatysý úshin elimizge kelgen Túrikmenstan Mınıstrler kabıneti tóraǵasynyń orynbasary – Syrtqy ister mınıstri Rashıd Meredovty qabyldaǵan bolatyn.

Osy júzdesý barysynda Rashıd Meredov Túrikmenstan Prezıdenti Gýrbangýly Berdimuhamedovtiń Qazaqstan Prezıdentin óz eline memlekettik saparmen kelýge shaqyrýyn tabys etti.

Óz kezeginde Qazaqstan Prezıdenti shaqyrtýdy qabyl alatynyn, barlyq saladaǵy qazaq-túrikmen yntymaqtastyǵyna tyń serpin berý maqsatynda jýyq arada Ashhabadqa saparmen baratynyn jetkizdi.




Joǵary qaraı