Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev Qazaqstannyń ekonomıkalyq saıasatyndaǵy basty qatelikti atady

2022 jyldyń 21 qańtar 2022 13:04

NUR-SULTAN. QazAqparat - El damýyndaǵy oń ózgerister kóp jaǵdaıda bızneske baılanysty. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ártaraptandyrylǵan ekonomıka qurý mindeti áli de ózekti. Birde bir turaqty ekonomıka qýatty óndiristik sektorsyz tirshilik ete almaıdy. Indýstrııalandyrýdyń balamasyzdyǵy týraly tezıs ótkirligin joǵaltqan joq. Ondaǵan jyldyq jumys barysynda ilgerileý nelikten oryn almady? Basty qatelik munymen negizinen memleket aınalysty», - dep atap ótti Memleket basshysy elimizdiń iri bıznes ókilderimen kezdesýi barysynda.

QR Prezıdentiniń atap ótýinshe, qurylymdyq, onyń ishinde kvazımemlekettik qurylymdarǵa qatysty problemalardy sheshýge qomaqty qarajat jumsaldy.

«Degenmen, bastamalar bıznesten, birinshi kezekte iri bıznesten shyǵýy tıis bolatyn. Biraq, bul oryn almady. Memlekettik sektor qandaı iri bolsa da, bul tek qana memlekettiń ekonomıkalyq júıesiniń bir bóligi ǵana. Respýblıkalyq bıýdjettiń shyǵys bóligi barlyq statıalarmen zeınetaqy, memlekettik mindetteme jáne damý bıýdjeti shamamen 15 trln teńgeni nemese jalpy ishki ónimniń 20 paıyzyn quraıdy. Qalǵanynyń barlyǵy naryqpen, úlken jáne kishi kásiporyndarmen qalyptasady. Sondyqtan da taǵy da qaıtalap aıtamyn, el damýyndaǵyy oń ózgerister kóp jaǵdaıda bızneske baılanysty bolady», - dep atap ótti Qasym-Jomart Toqaev.


Joǵary qaraı