Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Izraıldiń jańadan saılanǵan Premer-Mınıstrin quttyqtady

2021 jyldyń 14 maýsym 2021 18:45

NUR-SULTAN. QazAqparat - Prezıdent Qasym-Jomart Toqaev Izraıldiń jańadan saılanǵan Premer-Mınıstri Naftalı Bennetke quttyqtaý jedelhatyn joldady, dep habarlaıdy Aqorda.

Qasym-Jomart Toqaev Naftalı Bennettiń Izraıl Memleketiniń Premer-Mınıstri bolyp saılanýyna baılanysty Qazaqstan halqynyń jáne jeke óz atynan quttyqtaý jedelhatyn joldady.
«Qazirgi ýaqytta Izraıl álemdik deńgeıde ekonomıkasy qarqyndy damyǵan, úzdik ınnovatsııalyq tehnologııasy arqyly halqynyń ál-aýqatyn arttyrǵan halyqaralyq qaýymdastyqtyń bedeldi múshesi retinde tanyldy. Osy rette elińizdiń jetistikteri men mereıin ári qaraı eseleýge baǵyttalǵan Sizdiń bastamalaryńyz ben josparlaryńyzdyń tolyq ta tabysty júzege asýyna tilektespin» delingen jedelhatta.

Memleket basshysy Qazaqstan men Izraıl arasyndaǵy saıası, saýda-ekonomıkalyq jáne mádenı salalardaǵy ózara tıimdi baılanystardy dástúrli dostyq pen ózara senim rýhynda nyǵaıtýdy ortaq maqsat dep sanaıdy.

Sondaı-aq osy ıgilikti jolda kúsh-jiger jumyldyrýǵa daıyn ekenin jetkizdi.

Qasym-Jomart Toqaev Naftalı Bennettiń jaýapty qyzmetine mol tabys pen sáttilik, al dostas Izraıl halqyna baq-bereke tiledi.


Joǵary qaraı