Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Іshki ister mınıstrin qabyldady

2021 jyldyń 8 jeltoqsan 2021 16:00

NUR-SULTAN. QazAqparat - Prezıdent Qasym-Jomart Toqaev Іshki ister mınıstri Erlan Turǵymbaevty qabyldady, dep habarlaıdy Aqorda.

Memleket basshysyna elimizdegi krımınogendik jaǵdaı, ishki ister organdarynyń bıylǵy atqarǵan jumystarynyń nátıjeleri týraly málimet berildi.

Elimizde qylmystyq isterdiń azaıýy boıynsha oń úrdis baıqalady (5 paıyzǵa tómendegen). Bul rette kisi óltirý 15 paıyzǵa, tonaý jáne buzaqylyq 20 paıyzǵa az tirkelgen. Qoǵamdyq oryndar men kóshelerdegi qaýipsizdik deńgeıi joǵarylady.

Prezıdentke tapsyrmalarynyń oryndalýy jóninde, atap aıtqanda esirtki qylmysyna qarsy is-qımyl, turmystyq zorlyq-zombylyqtyń aldyn alý jáne balalardy qylmystyq qol suǵýshylyqtan qorǵaý, jol qaýipsizdigin qamtamasyz etý, qos azamattyq faktileriniń jolyn kesý úshin qabyldanyp jatqan sharalar týraly baıandaldy.

Budan bólek Erlan Turǵymbaev Qasym-Jomart Toqaevqa polıtsııa jumysynyń servıstik modeline kóshý, «jaqyn jerdegi polıtsııa» qaǵıdatyn qamtamasyz etý, ýchaskelik ınspektorlardyń qyzmetin reformalaý jáne quqyq buzýshylyqtyń aldyn alý salasyndaǵy olardyń ókilettikterin keńeıtý jóninde atqarylyp jatqan jumystar týraly esep berdi.

Sonymen qatar Prezıdentke ishki ister organdaryn tsıfrlandyrý barysy, polıtsııa ýchaskeleri men qylmystyq-atqarý júıesiniń mekemelerinde jappaı beınebaqylaý qurylǵylaryn ornatý, avtomattandyrý jáne halyqqa kórsetiletin memlekettik qyzmet úderisterin jeńildetý jaıynda baıandaldy.

Memleket basshysy ishki ister organdarynyń qyzmetine oń baǵa berip, azamattardyń konstıtýtsııalyq quqyǵyn qorǵaýǵa, qoǵamdyq tártipti saqtaýǵa jáne jol qaýipsizdigin qamtamasyz etýge baǵyttalǵan qosymsha sharalar qabyldaýǵa tapsyrma berdi.



Basty sózder: Qazaqstan Prezıdenti,
Joǵary qaraı