Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev Eýropalyq komıssııanyń Prezıdentimen kelissóz júrgizdi

2021 jyldyń 26 qarasha 2021 23:09

BRıÝSSELЬ. QazAqparat - Memleket basshysy Qasym-Jomart Toqaev Brıýsselge resmı saparynyń sońynda Eýropalyq komıssııanyń Prezıdenti Ýrsýla fon der Lıaıenmen kezdesti, dep habarlaıdy QazAqparat Aqordaǵa silteme jasap.

Jyly shyraıda ótken kezdesýde taraptar Qazaqstan men Eýropalyq Odaq arasyndaǵy saýda-ekonomıkalyq jáne ınvestıtsııalyq baılanystardy jan-jaqty talqylady.

Sondaı-aq pandemııadan keıingi kezeńdegi ekonomıkany qalpyna keltirý, klımattyń ózgerýi, kólik-logıstıka, gýmanıtarlyq salalardaǵy yntymaqtastyqty damytý, ǵalamdyq jáne aımaqtyq qaýipsizdik máseleleri boıynsha pikir almasty.





Áńgime barysynda ekonomıkalyq yntymaqtastyqty keńeıtý máselesine basa mán berildi. Memleket basshysy Qazaqstan naryǵyna ınvestıtsııa salatyn eýropalyq ınvestorlar úshin arnaıy jaǵdaı jasalatynyn jáne ınstıtýttsıonaldyq qoldaý kórsetiletinin atap ótti.

Eýropalyq Odaq – Ortalyq Azııadaǵy Qazaqstannyń iri saýda jáne ınvestıtsııalyq áriptesi. Aımaqqa tartylǵan ınvestıtsııanyń 75 paıyzy bizdiń elimizge tıesili.

Kezdesýde taraptar «jasyl» ekonomıka, ornyqty energetıka jáne taý-ken ónerkásibi, agrobıznes, ІT-tehnologııalar, ınnovatsııalar, tranzıt jáne kólik, qarjy, densaýlyq saqtaý jáne farmatsevtıka, bilim berý men týrızm sııaqty perspektıvaly salalar boıynsha yqpaldastyqtyń jańa baǵyttaryn izdestirýge múddeli ekenderin bildirdi.





Eýropalyq Odaq Prezıdenti Qazaqstanda júrgizilip jatqan saıası jáne ekonomıkalyq reformalarǵa joǵary baǵa berip, EýroOdaqtyń elimizben saýda-ekonomıkalyq jáne ınvestıtsııalyq yqpaldastyqty odan ári nyǵaıtýǵa beıildi ekenin naqtylady.

Ýrsýla fon der Lıaıen Qazaqstannyń Aýǵanstandaǵy ahýaldy turaqtandyrýǵa jáne gýmanıtarlyq kómek berý sharalaryn qabyldap jatqanyna qoldaý bildirdi.

Kezdesý sońynda Qasym-Jomart Toqaev Ýrsýla fon der Lıaıendi Qazaqstanǵa saparmen kelýge shaqyrdy.


Joǵary qaraı