Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev el tarıhy jaıly TikTok joba jasaýǵa qoldaý bildirdi

2021 jyldyń 21 qazan 2021 12:32

NUR-SULTAN. QazAqparat – Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev el tarıhy boıynsha TikTok joba týraly usynysty qoldaıtynyn aıtty, dep habarlaıdy QazAqparat tilshisi.

Qazaqstan halqy Assambleıasynyń keńeıtilgen otyrysynda Aqmola oblysy polıaktar qoǵamdyq birlestiginiń tóraǵasy Natalıa Nagachevskaıa patrıottyq TikTok joba jaıly ıdeıasyn ortaǵa saldy.

«Siz balalardy, ónerge, mádenıetke tartýǵa qatysty óte qyzyq usynys aıttyńyz. Men bul usynysty qoldaımyn jáne oblys ákimderin de úndeımin. Shynymen de balalardyń halyq teatrlaryn ashqan sııaqty mundaı jumysty bastap kóreıik te. Balalarymyzdyń arasynda talanttylar óte kóp. Kúni keshe ǵana Jezqazǵanda boldym jáne balalardyń ónerdiń san túrimen, onyń ishinde dombyramen aınalysatynyn kórdim. Bul - qýantarlyq jaıt. Degenmen, biz mundaı balalarǵa qoldaý kórsetýimiz qajet. Al olardyń sany óte kóp», - dedi Qasym-Jomart Toqaev.

Qasym-Jomart Toqaev el tarıhy boıynsha TikTok joba qurý týraly usynysqa qoldaý bildirdi

«Sizdiń ólkemizdiń tarıhy boıynsha TikTok joba qurýǵa qatysty usynysyńyzdy qoldaımyn. Shyndyǵynda bul - óte jaqsy joba. Qazir jastar negizinen Іnstagram men TikTok-ta otyrady. Bul - bizdiń ómirimizdiń shyndyǵy», - dedi Memleket basshysy.


Joǵary qaraı