Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev BUU minberinen Qazaqstandaǵy aýqymdy reformalar jaıynda aıtty

2020 jyldyń 23 qyrkúıek 2020 20:43

NUR-SULTAN. QazAqparat - QR Prezıdenti Qasym-Jomart Toqaev BUU Bas Assambleıasy 75-sessııasynyń jalpysaıası debattarynda elimizde júzege asyrylyp jatqan aýqymdy reformalar jaıynda aıtty, dep habarlaıdy QazAqparat tilshisi.

«Qazaqstan ekonomıkalyq jaǵynan qýatty, demokratııalyq turǵydan damyǵan jáne árbir azamattyń qajettiligin qanaǵattandyrýǵa mán beretin «halyq únine qulaq asatyn memleket» qurýǵa nıetti. Osyǵan oraı biz barsha halqymyzdyń múddesine sáıkes damýǵa tyń serpin beretin saıası jáne ekonomıkalyq turǵydan aýqymdy reformalardy iske asyra bastadyq. Biz jala jabýdy qylmystyq is aıasynan shyǵaryp, saıası partııalar men beıbit sherý jóninde jańa zańdar qabyldadyq. Ómir súrýge jáne adamnyń qadir-qasıetine degen irgeli quqyqty júzege asyrý maqsatynda Ólim jazasynan bas tartýǵa baǵyttalǵan azamattyq jáne saıası quqyqtar týraly halyqaralyq paktiniń ekinshi fakýltatıvti hattamasyna qosylý jóninde sheshim qabyldadyq», - dep atap ótti Memleket basshysy.

Qazaqstan Prezıdenti kelesi mańyzdy basymdyq – áıelder men jastardyń teń múmkindikterin qamtamasyz etý jáne balalardy qorǵaý máselesi ekendigin aıtty.

«Biz Genderlik teńsizdik ındeksiniń kórsetkishin eki esege tómendetip, áıelder men jastar úshin partııalardyń saılaý tizimderine mindetti 30 paıyzdyq kvotany engizdik. Pandemııa kezinde tabysynan ýaqytsha aıyrylǵan 4,5 mıllıon azamatymyzǵa aıtarlyqtaı kómek kórsetildi. Bul maqsatqa 1,1 mıllıard dollar qarjy bólindi. Bir mıllıonnan astam adamǵa azyq-túlik jáne turmystyq zattar berildi. Munyń bári – bizdiń aımaqta buryn-sońdy bolmaǵan sharalar», - dedi Qasym-Jomart Toqaev.


Joǵary qaraı