Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev birqatar eýropalyq kompanııalardyń jetekshilerimen kezdesti

2021 jyldyń 26 qarasha 2021 17:36

NUR-SULTAN. QazAqparat - Memleket basshysy Brıýsselde eýropalyq bıznes ókilderimen, atap aıtqanda belgııalyq «Joh Cockerill» kompanııasynyń basqarma tóraǵasy Jan-Lıýk Moranjben jáne nemistiń «Svevind Group» kompanııalar tobynyń prezıdenti Volfgang Kroppen kezdesti, dep habarlaıdy Aqordanyń baspasóz qyzmeti.




Memleket basshysy Qasym-Jomart Toqaev Jan-Lıýk Moranjben Qazaqstandaǵy temirjol lokomotıvteri men jańartylatyn qýat kózderin jańǵyrtýǵa baǵyttalǵan ınvestıtsııalyq jobalardy iske asyrý perspektıvalaryn talqylady.




Volfgang Kroppen kezdesýde Mańǵystaý oblysynda «jasyl» sýtegi óndirisi salasyndaǵy Hyrasia One ınvestıtsııalyq jobasyn júzege asyrý máselesi sóz boldy.

Qasym-Jomart Toqaev buǵan deıin qolǵa alynǵan ınvestıtsııalyq jobalardyń qarqyndy júzege asyrylyp jatqanyna joǵary baǵa berip, olardyń Qazaqstan úshin asa mańyzdy ekenin atap ótti. Memleket basshysy elimizde jumys isteıtin kompanııalardyń jobalarynyń júzege asyrylý barysyn óz baqylaýyna alatynyn aıtty. Bul rette barlyq ekologııalyq normatıvter men nusqaýlardyń saqtalýy qajet ekenin jetkizdi.




Kezdesý sońynda Memleket basshysynyń qatysýymen Qazaqstan Úkimeti men «Svevind Group» kompanııalar tobynyń arasynda Jobalardy iske asyrýdyń negizgi qaǵıdattary týraly shekti kelisimge qol qoıý rásimi ótti.









Joǵary qaraı