Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev: Altyn Orda murasyn týrızmdi damytýǵa paıdalanýymyz kerek

2021 jyldyń 28 qazan 2021 12:32

ATYRAÝ. QazAqparat – QR Prezıdenti Ákimshiligi Basshysynyń birinshi orynbasary Dáýren Abaev Atyraýda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferentsııanyń qatysýshylaryna Memleket basshysy Qasym-Jomart Toqaevtyń quttyqtaý hatyn oqydy, dep habarlaıdy QazAqparat tilshisi.

«Barshańyzdy «Ulyq ulys – Altyn Orda» atty halyqaralyq konferentsııanyń ashylýymen quttyqtaımyn. Bul alqaly jıyn táýelsizdigimizdiń 30 jyldyq mereıli belesine oraı ótkizilýde. Altyn Orda tarıhy qazirgi qazaq memlekettiliginiń jylnamasymen tyǵyz baılanysty. Áıgili Joshy han kesenesi men Saraıshyq qalasynyń Qazaqstan aýmaǵynda ornalasýy jáne shetel muraǵattarynan kóptegen jazba derekterdiń tabylýy – osynyń aıqyn dáleli. Shyn máninde Altyn Ordanyń tarıhy áli de tereń zertteýdi qajet etedi. Túrli sebepterge baılanysty tól shejiremizdiń osy birneshe ǵasyrlyq kezeńi nazardan tys qaldy», - delingen Memleket basshysynyń quttyqtaýynda.

Sondaı-aq, Prezıdent elimiz egemendigin alǵannan keıin ǵana bul olqylyqtyń ornyn toltyrýǵa jol ashylǵanyn eske saldy.

«Elbasynyń bastamasymen qolǵa alynǵan aýqymdy baǵdarlamalar jurtymyzdyń tarıhı sanasyn jańǵyrtýǵa zor úles qosty. Sanmyńjyldyq shejiremizdegi sabaqtastyq jalǵasyn taýyp, ulttyq rýhymyz bıikteı tústi. Biz Altyn Orda dáýirinen kelgen qundy jádigerlerdi dúnıe júzine tanytyp, ony týrızm salasyn damytý úshin tıimdi paıdalanýymyz kerek», - dep jazylǵan quttyqtaý hatta.


Joǵary qaraı