Aýa raıy
Astana -6 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaev álem elderiniń nazaryn Aral men Semeı qasiretine aýdardy

2020 jyldyń 23 qyrkúıek 2020 20:35

NUR-SULTAN. QazAqparat - Biz BUU-nyń klımatty jaqsartýdyń alty oń qadamy atty jospary aıasynda kúsh biriktirýge mindettimiz. Bul týraly BUU Bas Assambleıasy 75-sessııasynyń jalpysaıası debattarynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Klımattyń ózgerýi – bizdiń órkenıetimizge qater tóndirip otyrǵan taǵy bir ekzıstentsıaldy daǵdarys. Bul másele qaýip tóndirip qana qoımaıdy, sonymen qatar basqa qaterler úshin «qozǵaýshy kúsh» qyzmetin de atqarady. Adamzat balasy bul jahandyq syn-qaterge tótep berýge áli de qaýqarsyz. Degenmen, koronavırýs indetinen keıingi qaıta qalpyna keltirý kezeńinde qorshaǵan ortany qorǵaý taqyrybyn halyqaralyq kún tártibiniń basty máselesi retinde kóterý múmkindigine ıe bolyp otyrmyz. Biz BUU-nyń klımatty jaqsartýdyń alty oń qadamy atty jospary aıasynda kúsh biriktirýge mindettimiz», - dedi Memleket basshysy.

Qasym-Jomart Toqaev Qazaqstan úshin ekologııa máseleleri óte ózekti ekendigin basa aıtty.

«Aral teńiziniń apatty jaǵdaıy men Semeı polıgonynyń qasireti, muzdyqtardyń jyldam erýi jáne shóleıt jerlerdiń kóbeıýi bizdiń elimiz ben Ortalyq Azııa óńirine ǵana emes, barsha álemge qaýip tóndirip otyr. Qazba otynyna asa qatty táýeldi bolyp otyrǵanymyzǵa, sondaı-aq klımat jónindegi Parıj kelisimindegi maqsattarǵa qol jetkizýdiń uzaqqa sozylýyna qaramastan, elimiz kómirteksiz ekonomıkany damytýǵa qoldaý kórsete beredi», - dedi QR Prezıdenti.

Memleket basshysy elimiz ekonomıkany jáne kásiporyndardy jańǵyrtý esebinen 2030 jylǵa qaraı parnıktik gazdardyń qaldyqtaryn 15 paıyzǵa azaıtatyndyǵyn atap ótti.

«Buǵan qosa aldaǵy bes jyl ishinde elimizde eki mıllıardtan astam aǵash kóshetterin otyrǵyzýdy josparlap otyrmyz. Mundaı jahandyq syn-qaterlerdi eńserý úshin biz BUU-ǵa múshe memleketter arasyndaǵy ózara senimdi qaıta qalpyna keltirýge jáne kópjaqty ınstıtýttardy birtindep kúsheıtýge tıispiz», - dedi Qasym-Jomart Toqaev.

Sonymen qatar Qazaqstan Prezıdenti búginde memleketterdiń bir-birine degen senimi joǵalyp bara jatqandyǵyna aıryqsha nazar aýdartty.

«Bul halyqaralyq qatynastardyń damýyna keri áserin tıgizedi. BUU Jarǵysynyń negizgi maqsattary men qaǵıdattaryna beıildilik tanytý – bizdiń ortaq moraldyq mindetimiz. Senimdi nyǵaıtý sharalaryna suranystyń artyp kele jatqanyn eskere otyryp, Qazaqstan Azııadaǵy ózara is-qımyl jáne senim sharalary jónindegi keńesti osy strategııalyq mańyzdy aımaqtyń qaýipsizdigi men ony damytýdyń tolyqqandy uıymyna aınaldyrýǵa nıetti. Álemdik qaýymdastyq tózimdilik, ózara túsinistik jáne mádenı alýantúrlilik ıdeologııasyn tabandylyqpen ilgeriletýge tıis dep sanaımyz. Bul – jek kórý jáne tózimsizdikke qarsy tıimdi is-qımyldyń kilti», - dedi Qasym-Jomart Toqaev.


Joǵary qaraı