Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev AQSh Prezıdentine kóńil aıtý jedelhatyn joldady

2022 jyldyń 25 mamyr 2022 16:43

NUR-SULTAN. QazAqparat - Memleket basshysy Qasym-Jomart Toqaev Amerıka Qurama Shtattarynyń Prezıdenti Djozef Baıdenge Tehas shtatyndaǵy bastaýysh mektepte atys saldarynan oqýshylar men basqa da azamattardyń qaza bolýyna baılanysty kóńil aıtý jedelhatyn joldady. QazAqparat bul týraly Aqordaǵa silteme jasap habarlaıdy.

«Qazaqstan halqynyń jáne jeke óz atymnan qaza tapqandardyń otbasylaryna shyn júrekten kóńil aıtamyn jáne zardap shekkenderdiń tezirek saýyǵyp ketýine tilektespin. Men tehastyqtardyń jáne sizdiń barlyq otandasyńyzdyń qaıǵysyna ortaqtasamyn», – delingen Qazaqstan Prezıdentiniń jedelhatynda.

Aıta keteıik, qaıǵyly oqıǵa Tehas shtatynyń Ývalde qalasyndaǵy Robb bastaýysh mektebinde boldy. Oq jaýdyrǵan 18 jastaǵy jergilikti turǵyn. Ol oqıǵa ornyna kelgen tártip saqshylarymen atys kezinde kóz jumdy. Sońǵy málimet boıynsha, 19 bala men eki eresek adam ajal qushty.




Joǵary qaraı