Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasterli Táýelsizdigimizdi baǵalaı bileıik – Máýlen Áshimbaev

2022 jyldyń 9 mamyr 2022 14:18

NUR-SULTAN. QazAqparat - Árdaıym qasterli Táýelsizdigimizdi baǵalaı bileıik. Parlament Senatynyń tóraǵasy Máýlen Áshimbaev qazaqstandyqtarǵa Jeńis kúni merekesine oraı arnaǵan quttyqtaýynda osylaı dedi, dep habarlaıdy QazAqparat.

Búgin Senat spıkeri Prezıdent Qasym-Jomart Toqaevpen birge «Otan Ana» monýmentine gúl shoqtaryn qoıyp, babalar rýhyna taǵzym etti. Keıin ultymyzdyń dańqty perzenti Baýyrjan Momyshulynyń eskertkishine arnaıy bardy.

«Báýkeń – qazaq úshin erlik pen órliktiń sımvoly. Aty ańyzǵa aınalǵan batyrdyń tulǵasyn biz qashanda ardaq tutamyz.

Eńseli eldik – eren erliktiń nátıjesi. Sondyqtan atalarymyz ben ákelerimizdiń dańqty jolyn árdaıym ulyqtaý – bizdiń perzenttik boryshymyz. Sol sebepti taıaýda ǵana Memleket basshysy erligi ýaqytynda eskerilmegen batyrlar Tóleýǵalı Ábdibekovke, Aleksandr Nesmııanovqa jáne Ybyraıym Súleımenovke «Halyq qaharmany» ataǵyn berdi. Bul – tarıhı ádildikti qalpyna keltirýdiń jarqyn kórinisi.




Beıbitshilik pen bereke-birliktiń qadirin arttyratyn merekemen quttyqtaı otyryp, elimizge amandyq, jerimizge tynyshtyq tileımin! Árdaıym qasterli Táýelsizdigimizdi baǵalaı bileıik. Jeńis kúni qutty bolsyn!», - dep jazdy M.Áshimbaev Facebook-te.





Joǵary qaraı