Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kaspıı jaǵalaýyndaǵy qamys órti tikushaqpen sóndirilýde

2021 jyldyń 8 qazan 2021 17:23

ATYRAÝ. QazAqparat – Atyraý oblysynda Kaspıı teńiziniń jaǵalaýyndaǵy qamys órti tikushaqpen sóndirip jatyr, dep habarlaıdy QazAqparat.

Budan buryn Kaspıı jaǵalaýyndaǵy batpaqta qamys órtenip jatqanyn jazdyq.

Oblystyq tótenshe jaǵdaılar departamenti baspasóz qyzmetinen málim etkendeı, 5-6 qazanda «Geosat» saıty arqyly ǵaryshtan monıtorıng júrgizý kezinde Qurmanǵazy aýdanynyń aýmaǵynda qamys órtiniń birneshe oshaǵy anyqtalǵan.

«Osy aqparatqa sáıkes, 6 qazanda Qurmanǵazy aýdandyq tótenshe jaǵdaılar bólimi men Teńiz aýyldyq okrýginiń qyzmetkerleri jerústi barlaýyn júrgizdi. Olar aýdan ortalyǵynan órt oshaǵyna deıin shamamen 50-60 shaqyrym jol júrdi. Kaspıı teńiziniń jaǵalaýy batpaqty baılanysty qamys órtin sóndirýge arnalǵan tehnıkanyń jetýine múmkindik joq. Ońtústikten batysqa qaraı soqqan jeldiń ekpini saldarynan tútin Reseı Federatsııasynyń Astrahan oblysyna taralýda» -dep habarlady departamenttiń baspasóz qyzmeti.

Sondaı-aq, Kaspıı jaǵalaýyndaǵy qamys órtin sóndirýge tikushaq tartylǵanyn habarlaǵan bolatynbyz.

Keshe, 7 qazanda saǵat 10:30-da «Qazavıaqutqarý» RMK-nyń MI-8 (AMT) tikushaǵy «Mı-8 VSÝ-5» tikushaǵy jiberildi. Tikushaqta órtti sóndirý úshin áýeden sý shashatyn qurylǵy ornatylǵan. Ekıpaj quramynda 5 adam bar. Sondaı-aq, tótenshe jaǵdaılar departamentiniń 24 qyzmetkeri men 3 motosorǵysh jiberilgen.

«Kaspıı teńiziniń jaǵalaýyn aınalyp ushý nátıjesinde qamys órtiniń eki frontaldy oshaǵy anyqtaldy. Onyń biri Isataı jáne Qurmanǵazy aýdandarynyń shekarasyna taıaý ornalasqan Maqash aýyldyq okrýginiń, ekinshisi Qurmanǵazy aýdanyndaǵy Teńiz aýyldyq okrýginiń aýdanynda ekeni belgili boldy. Kaspıı teńiziniń jaǵalaýynda Maqash aýyldyq okrýgine qaraı jeke quram desantyn túsirý júrgizildi. Qazir departamenttiń arnaıy qyzmetkerleri órtti sóndirýdi júrgizip jatyr» -dep málim etti departamenttiń baspasóz qyzmetinen.


Joǵary qaraı