Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kaspıı jaǵalaýyndaǵy 450 gektar aýmaqta qamys órti sóndirildi

2021 jyldyń 12 qazan 2021 13:05

ATYRAÝ. QazAqparat – Atyraý oblysynda Kaspıı jaǵalaýyndaǵy 450 gektar aýmaqta qamys órti sóndirildi, dep habarlaıdy QazAqparat.

Budan buryn Kaspıı jaǵalaýyndaǵy 550 gektar aýmaqta qamys janǵanyn jazǵan bolatynbyz.

Oblystyq tótenshe jaǵdaılar departamenti baspasóz qyzmetiniń málimetine súıensek, 5 qazanda tutanǵan qamys órtin sóndirý áli jalǵasyp jatyr. Búgin, 12 qazanda jergilikti ýaqytpen saǵat 09:00-ge deıin taǵy da 30 gektar aýmaqta qamys órti sóndirilgen.

«Tótenshe jaǵdaılar departamentinen jumyldyrylǵan jeke quramnyń kúshimen 20 gektardaǵy órt oshaǵy joıyldy. Al, 10 gektar aýmaqtaǵy jalyn ózdiginen sóndi. Órtengen jerdiń jalpy aýdany 550 gektardy qurady. Onyń ishinde 450 gektardy sharpyǵan órt sóndirildi» -dep habarlady departamenttiń baspasóz qyzmeti.

Qazir Kaspıı teńiziniń jaǵalaýyndaǵy órtti joıýǵa Atyraý oblystyq tótenshe jaǵdaılar departamentiniń jeke quramynan 34 adam, 5 tehnıka, 4 motosorǵysh, 1 generator, 40 jeń, 1 úrlemeli shatyr, sondaı-aq, O.Kóshekov atyndaǵy Atyraý agrarlyq-tehnıkalyq kolledjiniń 1 adamy men 1 John Deere-6135b traktory tartylǵan.


Joǵary qaraı