Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kaspıı qubyr konsortsıýmynyń qýatyn 80 mln tonnaǵa jetkizý josparlanyp otyr

2021 jyldyń 16 qarasha 2021 11:52

NUR-SULTAN. QazAqparat – Kaspıı qubyr konsortsıýmynyń qýatyn 80 mln tonnaǵa jetkizý josparlanǵan. Bul jaıynda Kaspıı qubyr konsortsıýmynyń 25 jyldyǵyna arnalǵan saltanatty jıynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Búginde Kaspıı qubyr konsortsıýmy barlyq aktsıonerlerdiń úılesimdi ári tıimdi jumysynyń úlgisi bolyp otyr. 2001 jyldan beri Kaspıı qubyr konsortsıýmy arqyly álemdik naryqqa 750 mln tonnadan astam qazaqstandyq munaı eksporttaldy. Onyń ótkizý qabileti 2,5 esege jýyq ósip, jylyna 67 mln tonnaǵa deıin jetti», - dedi Qasym-Jomart Toqaev.

QR Prezıdentiniń atap ótýinshe, 2023 jylǵa qaraı konsortsıýmnyń munaı tasymaldaý kólemin jylyna 80 mln tonnaǵa deıin jetkizý josparlanǵan.

«Ótken jyly Kaspıı qubyr konsortsıýmy aktsıonerlerge zaımnyń barlyqsomasyn tólep, óziniń qarjylyq turaqtylyǵyn dáleldedi. Tolyqtaı alǵanda, KQK Qazaqstannyń munaı-gaz kesheniniń basty elementi sanalady ári el ekonomıkasynyń damýyna qomaqty úles qosady jáne azamattardyń ál-aýqatyn qamtamasyz etedi. KQK – bul megajoba jáne men onyń bolashaǵy uzaq bolaryna senimdimin», - dedi Memleket basshysy.


Joǵary qaraı