Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kásipodaq ókili pedagogtardyń jalaqysyn qosymsha qalaı kóterý kerektigin aıtty

2021 jyldyń 16 qyrkúıek 2021 19:02

NUR-SULTAN. QazAqparat - Elordalyq pedagogtardyń jalaqysyn zańdy jolmen kóterýge bolady. Bul týraly «Ádilet» kásipodaǵynyń tóraǵasy Batyr Álıev aıtty, dep habarlaıdy QazAqparat tilshisi.

«Jalaqyny qosymsha kóterýge qatysty Úkimettiń 11-93 qaýlysynyń 5-tarmaǵy 1-tarmaqshasy jáne 6-tarmaǵynyń 2-tarmaqshasy bar. Ol bilim berý basqarmasyna bilim berý mekemesiniń basshysy úshin qosymsha jalaqy men syıaqy túrindegi ústemaqy bekitý arqyly yntalandyrýǵa múmkindik beredi. Óz kezeginde, bilim berý mekemesiniń basshysy osy tarmaqtardy qoldana otyryp, qyzmetkerlerin qosymsha yntalandyra alady», - dedi ol qalalyq máslıhat otyrysynda.

Onyń atap ótýinshe, «Ádilet» kásipodaǵy osy máselege qatysty Eńbek jáne halyqty áleýmettik qorǵaý mınıstrligine hat joldap, oń jaýap alǵan.

«Resmı jaýapta eger kásipodaqpen basqarma jáne ujym arasynda óńirlik kelisimde mundaı jaıt kózdelgen jaǵdaıda jaǵdaıda soǵan sáıkes zańdy negizde ústemaqy tóleýge bolatyndyǵy aıtylǵan. Máselen, Jambyl oblysynda óńirlik kásipodaq Bilim berý basqarmasymen jasalǵan kelisimshartqa mundaı nóromany engizgen. Qazir ol jaqta jalaqysy tómen jekelegen qyzmetkerler jalaqyǵa 30-dan 50 paıyzǵa deıin ústemeaqy alady», - dedi Batyr Álıev.


Joǵary qaraı