Aýa raıy
Astana -8 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Kásipkerlikti damytýǵa kedergi jasaýǵa eshkimniń quqyǵy joq - Toqaev

2020 jyldyń 25 qyrkúıek 2020 20:51

ALMATY. QazAqparat - Kásipkerlikti damytýǵa kedergi jasaýǵa eshkimniń quqyǵy joq. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat.

«Almatynyń kásipkerlerimen shaǵyn jáne orta bıznesti qoldaý sharalaryn talqyladyq. Qazirgi jaǵdaıda salyqty jeńildetý, sýbsıdııa berý, aınalymdaǵy qarjyny tolyqtyrý jáne taǵy basqa arqyly bızneske kómektese beremiz. Elge paıdaly kásipkerlikti damytýǵa kedergi jasaýǵa eshkimniń quqyǵy joq», - der jazdy Memleket basshysy Twitter-de.

Buǵan deıin habarlaǵanymyzdaı, búgin QR Prezıdenti Almatyǵa jumys sapary aıasynda qazaqstandyq «Hyundai Trans Kazakhstan» zaýytynyń iske qosylýǵa daıyndyǵyn tekserdi.

Q.Toqaev nysandy aralap kórgennen keıin ındýstrııalyq aımaq rezıdentterimen jeke kásipkerlikti qoldaý jáne kásiporynnyń basym salalaryn damytý máselelerin talqylady.

«Men óz Joldaýymda elimizdegi kásipkerlikti damytýǵa erekshe mán berdim. Ásirese, bıznestiń, kásipkerliktiń damýyna memlekettik organdar tarapynan keltiriletin kez kelgen kedergi elimizge qarsy jasalǵan qylmys retinde qaralatynyna arnaıy toqtaldym. ıAǵnı, basqasha aıtqanda, Úkimet, jergilikti atqarýshy organdar kásipkerlikti damytýǵa jan-jaqty qoldaý kórsetýge tıis. Bul – ekonomıkalyq saıasatymyzdaǵy negizgi baǵyt», – dedi ol.

Prezıdent elimizdiń ekonomıkasyndaǵy ahýal pandemııa saldarynan áli de kúrdeli ekenin jáne bul daǵdarystan memleket pen bıznestiń birlesken kúsh-jigeriniń arqasynda ǵana shyǵýǵa bolatynyn atap ótti. Básekelestikti qorǵaý úshin Strategııalyq josparlaý jáne reformalar agenttigi quryldy.

«Naryqty monopolısterden tazalaý kerek. Barlyq laıyqty kásipkerlerdiń bizdiń naryqqa enip, erkin jumys isteýine múmkindik berý qajet. Sonda ǵana ekonomıka erkin damı alady. Munyń bári jańa uıymdastyrý sharalaryn qabyldaýdy talap etetini sózsiz. Bul sharalardyń bári tıimdi bolady dep úmittenemin», – dedi Memleket basshysy.

Qasym-Jomart Toqaev Almatyǵa saparyn I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalyn aralap kórýden bastady.

Sondaı-aq Indýstrııalyq aımaqta bolyp, Respýblıka alańyndaǵy qaıta jóndeýden ótken «Almaly» demalys aýmaǵyna bardy. Al Kópfýnktsıonaldy «SEN» mýzykalyq ortalyǵynda Qazaqstan Prezıdentine megapolıstegi qosymsha bilim berý ınfraqurylymyn damytý, sapasyn kúsheıtý jáne oǵan baratyn balalardyń sanyn kóbeıtý isi jóninde málimet berildi.






Joǵary qaraı