Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kásipkerlikti damytý jónindegi joba qatysýshylary 146 myńnan asty

2022 jyldyń 23 mamyr 2022 12:33

NUR-SULTAN. QazAqparat - 2021-2025 jyldarǵa arnalǵan kásipkerlikti damytý jónindegi Ulttyq jobaǵa qatysýshylardyń sany 146,5 myńnan asty, dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetinshe, baǵdarlama aıasynda 136,8 myń adam jumysqa ornalassa, onyń 69,8 myńy turaqty eńbekke tartylǵan.

«Jumys berýshilerdiń ótinishimen 1,3 myń adam oqytý uıymdaryna jiberildi. Óz kásibin bastaý úshin 1 myń adam memlekettik grant aldy.

Sýbsıdııalanatyn jumys oryndaryna 70,7 myń adam ornalasty. Áleýmettik jumys oryndarymen – 10,7 myń, jastar praktıkasymen – 7,4 myń, qoǵamdyq jumystarmen 51,6 myń adam qamtyldy. «Alǵashqy jumys orny» jobasy aıasynda – 869, «Urpaqtar kelisimsharty» jobasy aıasynda 114 adam jumysqa qabyldandy», - dep jazdy vedomstvodan.

Eske sala keteıik, buǵan deıin halyqty jumyspen qamtýǵa arnalǵan sharalar Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda júzege asty. 2021 jyly baǵdarlamaǵa 651,8 myń adam qatysty.

Budan bólek, «Eńbek» baǵdarlamasyndaǵy baǵyttardyń biri aıasynda jumys kúshi kóp aımaqtardan jumys kúshi jetispeıtin aımaqtarǵa kóshirildi.


Joǵary qaraı