Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qasıetti Ramazan aıynda Qaraǵandy oblysynyń eki otbasyna páter syıǵa tartyldy

2021 jyldyń 13 mamyr 2021 04:02

QARAǴANDY. QazAqparat – Qasıetti Ramazan aıynda Qaraǵandy oblystyq meshiti az qamtylǵan otbasylar men halyqtyń áleýmettik osal toptaryna qaıyrymdylyq aktsııalaryn uıymdastyrdy.

Sondaı-aq, din qyzmetkerleri jataqhanalarda turatyn stýdentterge jáne óńirdiń keıbir kásiporyndarynyń qyzmetkerlerine aýyzasharǵa arnalǵan jıyntyq salynǵan sebetter taratyldy. Al «Zeket» qaıyrymdylyq qory muqtaj jandarǵa eki páter syılady.


«Qasıetti Ramazan aıynda ótkizilgen qaıyrymdylyq aktsııalary aıasynda oblysta 26 373 otbasyna kómek kórsetilip, 5,5 tonna azyq-túlik taratyldy. Igi iske qatysqan qala turǵyndaryna erekshe alǵysymyzdy bildiremiz», – deıdi Qaraǵandy oblysynyń bas ımamy Ómirzaq Bekqoja.


«Zeket» qaıyrymdylyq qory oblystyń 13 430 turǵynyn aýyzasharlarmen qýantty. Sonymen qatar, «Ramazan kerýeni» qaıyrymdylyq marafony kezinde 12 673 otbasy azyq-túlik aldy. Olarǵa 3,7 tonna un, 1,2 tonna shaı, 770 lıtr kúnbaǵys maıy taratyldy. Sondaı-aq, az qamtylǵan otbasylar arasynda et taratyldy. Kıimmen 270 otbasy qamtamasyz etildi.


«Aýyzasharlar men azyq – túlik jetkizýden basqa, Ramazan aıynda «El úlesi – páterge« respýblıkalyq jobasy aıasynda biz muqtaj jandarǵa eki páter syıǵa tarttyq: bireýi Temirtaýda - kóp balaly otbasyna, ekinshisi Jezqazǵanda - erekshe bala tárbıelep otyrǵan otbasyna. «El úlesi - páterge!« 2018 jyly qurylǵan. Osy ýaqyt ishinde respýblıkada 300-den astam otbasy turǵyn úımen qamtamasyz etildi. Mundaı ıgi isterdi odan ári jalǵastyramyz», – deıdi «Zeket» qaıyrymdylyq qorynyń Qaraǵandy oblysyndaǵy jaýapty ókili Muhıt Jarymbetov.





Joǵary qaraı