Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Qashyqtan oqý: Ata-ana tarapynan balasynyń tárbıesin, oqýyn qadaǵalaý kúsheıdi - muǵalim

2020 jyldyń 20 qarasha 2020 19:52

PETROPAVL. QazAqparat – Petropavldaǵy Safýan Sháımerdenov atyndaǵy qazaq klassıkalyq gımnazııasynyń qazaq tili muǵalimi Ásem Qulybekovanyń pikirinshe, qashyqtan oqýdyń da óz artyqshylyǵy bar. Sonyń biri – ata-ana tarapynan balasynyń tárbıesin, oqýyn qadaǵalaý kúsheıdi, dep habarlaıdy QazAqparat tilshisi.

Petropavldaǵy Safýan Sháımerdenov atyndaǵy qazaq klassıkalyq gımnazııasynyń qazaq tili muǵalimi Ásem Qulybekovanyń eńbek ótili 18 jyl. Balalardyń ómirine, qaýipsizdigine jaýap bergendikten mektepter amalsyzdan qashyqtan sabaq berý formatyna kóshken. Qazaq klassıkalyq gımnazııa «Microsoft Teams» platformasy arqyly jumys isteıdy. Ustazdyń aıtýynsha, ár jumystyń artyqshylyǵy, kemshiligi bolady. Bul formatqa kóshkeli biraz qıyndyq týǵan. Onyń basym bóligi – tehnıkalyq, ıaǵnı ınternettiń joqtyǵyna nemese sapasyna baılanysty.

«Qashyqtan oqytýǵa kóshý arqyly men ózim kóp nárseni úırendim. Bul jaǵdaı bizdi jańasha oılaýǵa, jańa mashyqtardy meńgerýge túrtki boldy.

Jalpy, jańa formatqa kóshkenimizben jumysymyz azaıǵan joq. Sabaqqa burynǵydaı daıarlanamyz, túrlendirýge tyrysamyz. Barlyq ádis-tásildi qoldanamyz. Platformada taqta da bar, ásirese grammatıkany úıretýde ol óte qajet. Bala estigennen góri, kózben kórgendi jaqsy qabyldaıdy», - deıdi Ásem Qulybekova.





Gımnazııada 5-11-synyptar úshin sabaq bir aýysymda, túske deıin ótedi. Al tústen keıin muǵalimder motıvatsııasy tómen oqýshymen, kimge konsýltatsııa kerek – solarmen jeke-dara qosymsha jumys isteıdi.

«Ata-analar tarapynan túsinispeýshilik joq. Olardyń jaýapkershiligi joǵary. Osy qashyqtan oqýǵa kóshkeli ata-analarmen baılanys nyǵaıa tústi. Olardyń tarapynan balalarynyń sabaǵyn qadaǵalaý jaqsardy. Burynǵydaı muǵalimge, mektepke senip otyrmaıdy.

Qashyqtan oqýdyń balaǵa zııany joq dep oılaımyn. Olardyń jańa formatqa kóshýden bilimi ortaıyp qalǵan joq. Oqýshy buryn qalaı oqysa – sol deńgeıdi ustap tur. Oqıtyn bala oqıdy, onyń artynda ata-ana tur», - deıdi gımnazııa muǵalimi Ásem Qulybekova.





Joǵary qaraı