Aýa raıy
Astana 19 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Qarjy mınıstri Erýlan Jamaýbaev oqshaýlandy

2020 jyldyń 18 maýsym 2020 12:50

NUR-SULTAN. QazAqparat - QR Qarjy mınıstri Erýlan Jamaýbaev dúısenbige deıin óz úıinde oqshaýlanady. Bul jaıynda atalǵan vedomstvonyń baspasóz qyzmetinen málim etti, dep habarlaıdy QazAqparat tilshisi.

«Mınıstr búgin oqshaýlandy. Buǵan deıin koronavırýs ınfektsııasyna tapsyrǵan test teris shyqqan bolatyn. Biraq, qarqyndy jumys jalǵasyp jatqandyqtan, qalaı degende de bir kezdesýler bolyp turady. Mınıstr baılanysta bolǵandardyń arasynda bireýlerden koronavırýs shyǵýy múmkin. Sondyqtan ol az ýaqyt oqshaýlanýǵa sheshim qabyldady. Merzimine qatysty aıtar bolsaq, búgin beısenbi, demek, ol dúısenbige deıin oqshaýlanýy múmkin», - dedi baspasóz qyzmetinen.

Eske sala ketsek, osydan biraz kún buryn Densaýlyq saqtaý mınıstri Eljan Birtanov Facebook-paraqshasynda koronavırýs juqtyrǵanyn habarlaǵan edi. 12 maýsymda QR Premer-Mınıstri Asqar Mamın Jambyl oblysyna jumys saparymen baryp qaıtqan. Onda Densaýlyq saqtaý mınıstri E. Birtanov ta bolǵan. Osyǵan baılanysty Úkimet basshysy oqshaýlanýǵa májbúr bolyp otyr. Áriptesterimen birge Bilim jáne ǵylym mınıstri Ashat Aımaǵambetov, Aýyl sharýashylyǵy mınıstri Saparhan Omarov pen QR Ekologııa, geologııa jáne tabıǵı resýstar mınıstri Maǵzum Myrzaǵalıev óz úılerinde oqshaýlandy.


Joǵary qaraı