Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarjy mınıstri bıýdjet qarajatyn ıgere almaǵan mınıstrlikterdi atady

2021 jyldyń 10 qarasha 2021 12:28

NUR-SULTAN. QazAqparat – Respýblıkalyq bıýdjet boıynsha 40 mlrd teńge ıgerilmeı qaldy. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat.

«Memlekettik bıýdjet shyǵystary 98,7%-ke, respýblıkalyq bıýdjet shyǵystary – 99,6%-ke, jergilikti bıýdjetterdiń shyǵystary 98%-ke atqaryldy. Respýblıkalyq bıýdjet boıynsha shyǵystar 12 trln teńgeni qurady. Munda 50 mlrd teńge jumsalmady, onyń ishinde 10 mlrd teńge únemdelgen jáne 40 mlrd teńge ıgerilmeı qalǵan», - dedi Qarjy mınıstri Úkimet otyrysynda.

Onyń aıtýynsha, ıgerilmeýdiń anaǵurlym iri somalary tótenshe jaǵdaılar, tsıfrlyq damý, ınnovatsııalar jáne aeroǵarysh ónerkásibi, densaýlyq saqtaý, ishki ister jáne qarjy mınıstrlikterinde baıqalǵan.

Igerilmeýdiń negizgi sebepteri: tólem naqty kórsetilgen qyzmet kólemi boıynsha júrgizilgen, shot-faktýralar, oryndalǵan jumys aktileri ýaqytyly usynylmaǵan, qazynashylyq organdaryna tólem shottary kesh usynylǵan jáne konkýrstyq rásimder uzaq ótkizilgen.

«Jergilikti bıýdjetterdiń shyǵystary 6,7 trln teńgeni qurady, onda 134 mlrd teńgege atqarylmaǵan. Bıyl óńirlerge 2,5 trln teńge somasynda nysanaly transfertter kózdelgen. 1 qarashaǵa olarǵa 1 trln 813 mlrd teńge bólingen. Onyń 96,6%-i ıgerildi. 62 mlrd teńge atqarylmady, onyń ishinde 6 mlrd teńge únemdelip, 56 mlrd teńgesi ıgerilmeı qalǵan. Eń kóp ıgerilmeý Almaty qalasynda, Soltústik Qazaqstan, Batys Qazaqstan, Almaty jáne Túrkistan oblystarynda tirkelgen», - dedi E. Jamaýbaev.


Joǵary qaraı