Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qarýly qylmyskerler qala kóshelerinde beıbereket oq jaýdyrdy – Almaty polıtsııa departamenti

2022 jyldyń 16 qańtar 2022 21:50

NUR-SULTAN. QazAqparat – Qarýly qylmyskerler qala kóshelerinde beıbereket oq jaýdyrdy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Sonymen qatar, qarýly qylmyskerler qala kóshelerinde beıbereket oq jaýdyryp, kedeısoq ótip bara adamdardy, dúkendegi satyp alýshylar men kólikti berýden bas tartqan júrgizýshilerdi óltirdi», - dedi Qanat Taımerdenov.

Sondaı-aq, 6 qańtar kúni keshki saǵat 21:30 shamasynda Almaty qalasy ákimdiginiń janynda ákim Baqytjan Saǵyntaevtyń da kortejine oq jaýdyryldy.

«Qastandyq saldarynan «Almaty» telekanalynyń qyzmetkeri qaza taýyp, taǵy úsh adam, onyń ishinde ákimdiktiń eki qyzmetkeri jaralandy», - dedi Qanat Taımerdenov.

Onyń aıtýynsha, Polıtsııa departamentiniń ǵımaratyn basyp alýǵa lańkester 27 ret áreket jasady.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.



Joǵary qaraı