Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarýdy ózgege kezegen: Almaty oblysynyń turǵyny jaqyn dosyn atyp óltirdi

2021 jyldyń 7 qazan 2021 18:08

TALDYQORǴAN. QazAqparat - Almaty oblysynda 25 jastaǵy jigit abaısyzda dosyn óltirip aldy. Kúdikti qarýdy ózgege kezegenin aıtýda, dep habarlaıdy QazAqparat tilshisi.

Oqıǵa Talǵar aýdanynda boldy.

Almaty oblystyq Polıtsııa departamenti baspasóz qyzmetiniń málimetinshe, 1 qazan kúni túngi 01:00 shamasynda polıtsııaǵa Besaǵash aýyly turǵynynyń jaraqattanǵandyǵy jóninde habarlama túsken. Oqıǵa ornyna barǵan tártip saqshylar meıramhanada eki toptyń arasynda janjal bolǵanyn anyqtaǵan.

«Aýrýhanaǵa túsken 25 jastaǵy er adam alǵan jaraqaty saldarynan kóz jumdy. Tóbeleskender oqıǵa ornynan qashyp ketken.

Jedel-izdestirý sharasy barysynda kúdikti ustaldy. Ol mert bolǵan azamattyń jaqyn dosy bolyp shyqty. Kúdikti óz kinásin moıyndady.

Sózinshe, ol qarýdy janjal barysynda ózgege baǵyttaǵan. Biraq dosy ony toqtatpaq bolǵan sátte qarý dosyna atylyp ketken. Dosyn aýrýhanaǵa deıin jetkizgen, biraq artynsha jaýapkershilikten qashyp, ketip qalǵan. Janjalǵa qatysqandardyń barlyǵy oqıǵa ornynan izin sýytqan. Al 25 jastaǵy kúdikti 12 kalıbrli qarýdy júgeri ósetin aımaqtan taýyp alǵanyn jetkizdi. Oqıǵa bolǵan soń ol qarýdy ózenge aǵyzyp jibergen», - delingen vedomstvo taratqan habarlamada.

Qazir dosyn óltirdi degen 25 jastaǵy kúdikti ustalyp, qamaýǵa alyndy, tergeý jalǵasýda.


Joǵary qaraı