Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kartop baǵasynyń qymbattaýyna deldaldar áser etip otyr - AShM

2021 jyldyń 14 maýsym 2021 19:31

NUR-SULTAN. QazAqparat - Qazaqstanda kartop jetkilikti: óńirlerdiń jedel derekterine sáıkes, 11 maýsymdaǵy jaǵdaı boıynsha respýblıkada 70 myń tonnadan astam áleýmettik mańyzy bar azyq-túlik qory bar, dep habarlaıdy QazAqparat Aýyl sharýashylyǵy mınıstrliginiń baspasóz qyzmetine silteme jasap.

Belgilengen tutyný normalaryna sáıkes, eldegi kartop qory jarty aıdan astam ýaqytqa jetedi (halyqtyń jan basyna shaqqanda jylyna 95 kg norma bolǵanda, elimizdiń halqy kúnine 4,9 myń tonna kartop tutynady).

Aıta ketý kerek, bul - eldegi kartop qoryn eseptegende shaǵyn fermerlerdegi jáne halyqtyń jeke qosalqy sharýashylyqtaryndaǵy saqtalǵan kartop qorynyń negizgi kólemin (shamamen 80%) esptemegendegi kórsetkish.

Qazirgi baǵalarǵa qatysty: kúndelikti baǵa monıtorıngi kartopqa bólshek saýda baǵasy 138-450 teńge/kg aralyǵynda bolatynyn kórsetedi.

Búgingi tańda eń tómen baǵa Qostanaı (138 tg/kg) jáne Aqtóbe oblystarynda (166 tg), al eń joǵarǵysy Nur-Sultan qalasynda (225-450 tg), SQO (320-340 tg), ShQO (335 tg) jáne Qaraǵandy oblysynda (270-310 tg) tirkelgen.

Elordalyq bazarlar men saýda nysandarynyń monıtorıngi búgingi kúni kartopqa degen suranys joq ekenin kórsetti.

Assortımentte byltyrǵy jylǵy da, jańa daqyldyń kartoptary da bar jáne satylyp jatyr. Sonymen qatar, taýarlardyń jetkilikti bolýyna baılanysty baǵa tómendep keledi.

Ótken jylǵy kartop sapasyna qaraı, kelisi 120 teńgeden 200 teńgege deıin satylady.

Bıylǵy ónim elordadaǵy «Sharyn» jáne «Shapaǵat» saýda ortalyqtarynda 280-320 teńgeden, «Evrazııa», «Magným» jáne «Smoll» SOO-da kelisi 400-450 teńgeden satylady.

Ulttyq statıstıka bıýrosynyń málimeti boıynsha, jyl basynan beri kartoptyń quny 48,6%-ǵa ósti. Bul ósim maýsymdyq sıpatqa ıe.

Mysaly, 2020 jyly dál osy kúni statıstıka organdary 46%-ǵa jýyq óskenin tirkegen.

Jaǵdaıdy taldaý maýsymdyq baǵanyń ósýine deldaldar men saýda obektileriniń ústemeni kóp qosqany áser etkenin kórsetip otyr.

Aıta ketý kerek, maýsym aıynan bastap ońtústik aımaqtarda erte pisetin kókónister men kartoptyń jańa ónimi jappaı jınala bastady.

Munda bıylǵy kartoptyń baǵasy tonnasyna 175-200 myń teńge aralyǵynda. Jaqyn arada jańa ónimderdi jetkizý naryqtaǵy baǵaǵa edáýir oń áser etýi múmkin.

Osyǵan baılanysty óńirlerdiń jergilikti atqarýshy organdaryna erte pisetin kartopty Túrkistan oblysynan satyp alý usynylady.

Bıylǵy kartopty Nur-Sultan jáne Almaty qalalarynyń naryǵyna jetkizýdi uıymdastyrý úshin operator retinde «Azyq-túlik korporatsııasy» UK» AQ-ny iske qosý qajet.

Sondaı-aq, ákimdik aýyl sharýashylyǵy ónimderin qoljetimdi baǵamen jetkize otyryp, jármeńkeler uıymdastyrý usynylady.


Joǵary qaraı