Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qarqaralyda Qunanbaı qajy meshiti jóndeldi

2020 jyldyń 29 qazan 2020 21:52

QARQARALY. QazAqparat – Qarqaralydaǵy Qunanbaı qajy meshitine aǵymdaǵy jóndeý jumystary júrgizildi. Jóndeý jumystary Qaraǵandy oblysynyń mádenıet, muraǵattar jáne qujattama basqarmasynyń tarıhı-mádenı murany saqtaý ortalyǵynyń tapsyrysy boıynsha júrgizildi, dep habarlaıdy QazAqparat tilshisi.

Qunanbaı qajy meshiti 1849 jyldan 1853 jylǵa deıin qazaqtyń uly aqyny Abaıdyń ákesi Qunanbaıdyń qarajatyna salynǵan. Bul eni 15 m, uzyndyǵy 11 m jáne bıiktigi 6 m eki qabatty aǵash ǵımarat, meshitte medrese jumys istedi, shákirtterge arnalǵan jataqhana jáne moldalar úıi boldy.

Keńes zamanynda munara joıyldy. Ǵımarattyń qalǵan bóligi mektepke, keıinirek qoımaǵa aınaldyryldy. Keıin tolyǵymen qańyrap, qaraýsyz qaldy.

1980 jyldary meshit qalpyna keltirilip, dindarlarǵa qaıtaryldy. 1991 jyly Qazaqstannyń tarıh jáne mádenıet eskertkishterin qorǵaý jáne qalpyna keltirý óndiristik birlestiginiń mamandary ǵımaratty qaıta jóndeýden ótkizdi.

Qarqaralydaǵy Qunanbaı qajy meshiti Qazaqstannyń kıeli jerleriniń tizimine engizilgen.

Avtor Agata Mýhamedjanova
Basty sózder: Qaraǵandy oblysy,
Joǵary qaraı